Тошкент шаҳрининг Сергели туманидаги 12-сонли автобус паркида 14 та «КТМ-19» трамвайлари ва битта Ригада ишлаб чиқарилган «РВЗ-6» вагон музейи Самарқандга жўнатилиши кутилмоқда. «Газета.uz» мухбири Евгений Сорочин автобус паркидан фоторепортаж тайёрлади.
Ушбу мақола Тошкент трамвайи тугатилишининг юбилейига таҳририят томонидан тайёрланган материаллар туркумининг бир қисмидир. Биринчи қисмда биз пойтахтда енгил темир йўлнинг тугатилиш тарихи ҳақида сўз юритиб, шаҳар мазкур транспорт турининг тугатилишидан олдин ва кейин қандай кўринишда бўлганини таққослаган эдик.
2016 йилда пойтахтда трамвай тизими ёпилгандан сўнг, вагонлар Чилонзор туманидаги 2-трамвай депосида сақланган. Telegram`даги «Ко дну» каналининг хабар беришича, 2020 йил июнь ойи бошида трамвайлар 12-сонли автобус паркига кўчирилган, чунки депо ҳудуди савдо маркази қуриш учун сотилган эди.
«КТМ-19» вагонининг 2-трамвай депосидан олиб ўтилиши. Фото: «Ко дну» Telegram канали.
Йўловчи ташиш оператори «Тошшаҳартрансхизмат»нинг маълумотларига кўра, Тошкент трамвай тизими ёпилгандан сўнг, 1994 йилдан 1998 йилгача сотиб олинган қолган «Татра Т6» русумли чех вагонлари фойдаланиш муддати тугаганлиги сабабли рўйхатдан чиқарилган ва металлолом учун топширилган.
2017 йил февраль ойида Самарқандда трамвай тизимини ишга тушириш тўғрисида президент фармони қабул қилинди. Қарорда шаҳар аҳолиси ва меҳмонлари учун инфратузилмани такомиллаштириш ва транспорт хизматининг сифатини ошириш муҳимлиги ҳақида гап боради. Бундан ташқари, фармонда трамвайнинг экологик тозалиги тан олинган.
Шуниси эътиборлики, Тошкент трамвайининг тугатилиши транспорт воситалари сонининг доимий ўсиб бориши ва трамвай маршрутларининг самарасиз ишлаши туфайли қатнов қисмини кенгайтириш заруратига асосланган эди.
Трамвай йўналишини ишга тушириш учун Самарқандга 2011 йилда сотиб олинган Чехиянинг «Vario LF» русумли замонавий 20 та пастполли вагонлари юборилди. 2007 йилда сотиб олинган Россиянинг 14 та «КТМ-19» вагони ҳам Самарқандга юборилиши керак. Бундан ташқари, 1960 йилларда Рига шаҳрида ишлаб чиқарилган «РВЗ-6» вагон музейи транспортировкаси кутилмоқда.
Барча 15 та вагонлар 12-сонли автобус паркида очиқ ҳавода транспортировкасини кутмоқда.
Таъкидлаш жоиз, ҳозирда Самарқандда вагонлар шаҳардаги 6,4 км масофали ягона йўналиш бўйлаб ҳаракатланади. Трамвай 2017 йил 15 апрелда ишга туширилган куни ушбу йўналиш бўйича 8 та вагон ҳаракатланар эди.
2018 йилда Наврўз байрами арафасида шаҳарда худди шундай вагонлар чиқарилиши билан узунлиги 5 км бўлган иккинчи йўналиш фойдаланишга топширилди. Бироқ, кейинги йили трамвай линияси қурилган йўл капитал таъмирланиш учун ёпилган. Иккинчи йўналишда трамвай ҳаракати тўхтатилди.
«Тошшаҳартрансхизмат» компанияси раҳбариятига автобус паркига киришга имконият яратилгани учун миннатдорчилик билдирамиз.
Фото
РВЗ-6
КТМ-19
