Республика махсус комиссияси қарори билан Ўзбекистонда бир қатор хужжатларнинг амал қилиш муддати 1 июнгача узайтирилди. Бу ҳақда Адлия вазирлиги хабар қилди.
Жумладан, қарорга кўра, 1 июнга қадар хорижий фуқароларга берилган виза муддатлари автоматик тарзда узайтирилади ҳамда визасиз кириш ҳуқуқига эга давлатлар фуқароларига мамлакатдан чиқиб кетишига рухсат берилади. Уларга нисбатан жавобгарлик чоралари қўлланилмайди.
Шунингдек, муддати тугайдиган барча рухсат бериш хусусиятига эга бўлган лицензия ва рухсатномалар, шахсни тасдиқловчи, автотранспорт воситаларини бошқариш учун талаб қилинадиган ҳужжатларнинг амал қилиш муддати 2020 йил 1 июлга қадар узайтирилган деб ҳисобланади.
Эслатиб ўтамиз, аввалроқ Республика махсус комиссиянинг қарорига кўра, чекловчи тадбирлар (карантин) ҳамда коронавирус инфекцияси тарқалишига қарши киритилган кучайтирилган тартиб 10 майга қадар узайтирилган эди. Шу билан бир қаторда, қарор асосида йўловчи ташиш фаолияти билан боғлиқ барча лицензиялар бўйича ариза қабул қилиш ва лицензияларни кўриб чиқиш ҳамда бериш 10 майга қадар вақтинча тўхтатилади.
