Россия Федерацияси пойтахти Москва шаҳрида Халқаро ҳаваскор бокс федерацияси (AIBA)нинг Конгресси бўлиб ўтди. Бу ҳақда МОҚ матбуот хизмати хабар берди.
Конгресс давомида президентлик сайлови ҳам ўтказилди. Президентлик сайловида ўзбекистонлик Ғофур Раҳимов ва Осиё бокс Конфедерацияси раҳбари, қозоғистонлик Серик Конакбаев иштирок этди.
Сайловда қатнашган 134 мамлакат вакилларидан 86 нафари Ғофур Раҳимовга ўз овозини берди ва ўзбекистонлик тадбиркор шу тариқа ғалаба қозонди. Энди Раҳимов 2022 йилгача AIBA президенти сифатида фаолият олиб боради.
Эслатиб ўтамиз, ушбу Конгрессда Ўзбекистон Миллий олимпия қўмитаси президенти Умид Аҳмаджонов ҳам иштирок этди.
