Payshanba kuni ertalab Toshkentni kuchli qor bo‘roni qopladi. O‘zgidromet respublika hududiga sovuq havo massasi kirib kelishi va ayrim hududlarda yomg‘ir yog‘ib, qorga aylanishi mumkinligi haqida xabar bergandi. Biroq qor yog‘ishining intensivligi poytaxt aholisi uchun kutilmagan holat bo‘ldi.
Yarim soat ichida shahar oq qorga burkandi. Ko‘rish darajasi biroz vaqtga yomonlashdi. Ayrim chorrahalarda svetofor ishlamay qoldi, oqibatda tirbandliklar yuzaga keldi.
Turli hududlarda daraxt shoxlari quladi. Xususan, “Sodiq Azimov” ko‘chasida katta daraxt to‘xtab turgan mashina ustiga tushdi.
“Gazeta.uz” muxbiri Yevgeniy Sorochin qor bilan qoplangan Toshkentni suratlarga muhrladi.
Foto
Foto: “Novosti ot Nasimova”.
