Raqamli texnologiyalar vazirligi va “Aloqabank”ning poytaxt markazidagi ma’muriy binolarini Black Gold Industry News`ga sotish bo‘yicha o‘tkazilgan auksion natijalari bekor qilindi. Bu haqda 4-may kuni bo‘lib o‘tgan matbuot anjumanida Markaziy banki raisi Mamarizo Nurmurotov ma’lum qildi, deya xabar bermoqda “Gazeta.uz” muxbiri.
“Aloqabank” tomonidan Black Gold Industry News`ga 390 milliard so‘mlik imtiyozli kredit ajratish bo‘yicha tuzilgan shartnoma ham auksiondan bir kun avval bekor bo‘lgan. Markaziy bank rahbari buning sabablarini aytmadi.
Eslatib o‘tamiz, 4-aprel kuni ustav kapitali 8 million so‘m bo‘lgan Black Gold Industry News (ta’sischisi Ziyodullo Jalolov) aprel oyi boshida Raqamli rivojlanish vazirligi va “Aloqabank”ning binolarini sotib olish bo‘yicha o‘tkazilgan auksionda g‘olib chiqqan.
Bitta taklifdan so‘ng savdo yakunlandi. obyektlar uchun xaridor 387 milliard so‘m taklif qilgan. Kimoshdi savdosidan bir kun avval “Aloqabank” ushbu kompaniyaga 15 yil muddatga 14 foiz stavkada 390 milliard so‘m kredit bergandi.
Bankni sotish bo‘yicha kim oshdi savdosi shartlarida “Aloqabank” tomonidan ko‘chmas mulk sotib olish uchun 7−10 yil muddatga 16 foiz stavkada kredit ajratishi mumkinligi qayd etilgandi. O‘z navbatida, AKT vazirligi binosini sotib olish uchun bunday shartlar belgilanmagan.
17-aprel kuni samarqandlik tadbirkor Xurshid To‘rayev kompaniyaga aloqador bo‘lishi mumkinligi ma’lum bo‘lgandi. Bu yerda savdo va ko‘ngilochar majmua paydo bo‘lishi taxmin qilingandi.
