Рақамли технологиялар вазирлиги ва «Алоқабанк»нинг пойтахт марказидаги маъмурий биноларини Black Gold Industry News`га сотиш бўйича ўтказилган аукцион натижалари бекор қилинди. Бу ҳақда 4 май куни бўлиб ўтган матбуот анжуманида Марказий банки раиси Мамаризо Нурмуротов маълум қилди, дея хабар бермоқда «Газета.uz» мухбири.
«Алоқабанк» томонидан Black Gold Industry News`га 390 миллиард сўмлик имтиёзли кредит ажратиш бўйича тузилган шартнома ҳам аукциондан бир кун аввал бекор бўлган. Марказий банк раҳбари бунинг сабабларини айтмади.
Эслатиб ўтамиз, 4 апрель куни устав капитали 8 миллион сўм бўлган Black Gold Industry News (таъсисчиси Зиёдулло Жалолов) апрель ойи бошида Рақамли ривожланиш вазирлиги ва «Алоқабанк»нинг биноларини сотиб олиш бўйича ўтказилган аукционда ғолиб чиққан.
Битта таклифдан сўнг савдо якунланди. Объектлар учун харидор 387 миллиард сўм таклиф қилган. Кимошди савдосидан бир кун аввал «Алоқабанк» ушбу компанияга 15 йил муддатга 14 фоиз ставкада 390 миллиард сўм кредит берганди.
Банкни сотиш бўйича ким ошди савдоси шартларида «Алоқабанк» томонидан кўчмас мулк сотиб олиш учун 7−10 йил муддатга 16 фоиз ставкада кредит ажратиши мумкинлиги қайд этилганди. Ўз навбатида, АКТ вазирлиги биносини сотиб олиш учун бундай шартлар белгиланмаган.
17 апрель куни самарқандлик тадбиркор Хуршид Тўраев компанияга алоқадор бўлиши мумкинлиги маълум бўлганди. Бу ерда савдо ва кўнгилочар мажмуа пайдо бўлиши тахмин қилинганди.
