Shavkat Mirziyoyev ayrim turdagi oziq-ovqat mahsulotlari hamda tovarlarni import qilishda 2024 yilgacha bojxona to‘lovlarining nol stavkasini joriy etish to‘g‘risidagi farmonni imzoladi. Hujjat matni «Gazeta.uz»da mavjud.

Farmon bilan 2024 yil 1 yanvarga qadar quyidagi turdagi oziq-ovqat mahsulotlari va tovarlar bojxona to‘lovlaridan ozod etildi:

TIF TN kodi

Tovarning nomlanishi

Joriy stavka (%)

1.

0203, 0208, 0209

Yangi so‘yilgan, sovitilgan yoki muzlatilgan cho‘chqa go‘shti; boshqa go‘sht va go‘shtli oziq-ovqat submahsulotlari; tuzli eritmada tuzlangan, quritilgan yoki dudlangan, eritib yoki boshqa usul bilan ajratib olinmagan cho‘chqa yog‘i, go‘shtdan ajratib olingan yog‘ va uy parrandasi yog‘i

10

2.

0403

Yogurt; paxta, ivigan sut yoki qaymoq, qatiq va boshqa fermentlangan yoki achitilgan sut va qaymoq, quyultirilgan yoki quyultirilmagan, shakar yoki boshqa shirin ta’m beruvchi moddalar qo‘shilgan yoki qo‘shilmagan, xushbo‘y ta’mli qo‘shimchalar qo‘shilgan yoki qo‘shilmagan, kakao, yong‘oq, mevalar qo‘shilgan yoki qo‘shilmagan

20, lekin 0,30 dollar/kgdan kam bo‘lmagan

3.

0406

Pishloq va tvoroglar

15, lekin 0,50 dollar/kgdan kam bo‘lmagan

4.

0408

Yangi, quritilgan, qaynatilgan yoki bug‘da pishirilgan, formalangan, muzlatilgan yoki boshqa usullar bilan konservatsiya qilingan, shakarli yoki shakarsiz, boshqa shirin ta’m beruvchi moddalarsiz qobiqsiz tuxum va tuxumning sarig‘i

10

5.

0703*

Sholg‘omsimon dumaloq piyoz, shalot piyozi, sarimsoqpiyoz, piyoz-porey va boshqa piyozli sabzavotlar‚ yangi yoki sovitilgan

20

6.

0705*

Salat latuk (Lactuca sativa) va sikoriy (Cichorium spp.), yangi yoki sovitilgan

20

7.

0713

Dukkakli sabzavotlar, quritilgan, tozalangan, urug‘langan yoki tozalanmagan, bo‘lingan yoki bo‘linmagan

20

8.

0804

Yangi yoki quritilgan xurmo, anjir, ananas, avokado, guava, mango va mangostin yoki garsiniya

10, lekin 0,20 dollar/kgdan kam bo‘lmagan

9.

0808

Yangi olma, nok va behi

20, lekin 0,20 dollar/kgdan kam bo‘lmagan

10.

0810

Boshqa yangi mevalar

20, lekin 0,20 dollar/kgdan kam bo‘lmagan

11.

1102

Bug‘doy yoki javdardan boshqa g‘alla donidan un

10

12.

1103

G‘alla don donalaridan yorma, yirik tortilgan un va granulalar

10

13.

1105

Nozik va dag‘al un, kukun, bo‘laklar, kartoshka granulalari

10

14.

1106

0713 tovar pozitsiyadagi quritilgan dukkakli sabzavotlarning yirik va mayda tortilgan un va kukunlari, 08 guruhdagi mahsulotlari yoki 0714 tovar pozitsiyasidagi sago palmasining yuragi, ildizlari yoki ildiz mevalari

10

15.

1108

Kraxmal; inulin

5

16.

1513

Kokos (kopra), palma yadrosi yoki babassu moylari va ularning fraksiyalari, rafinadlangan yoki rafinadlanmagan, lekin kimyoviy tarkibi o‘zgartirilmagan:

5, lekin 0,10 dollar/kgdan kam bo‘lmagan

17.

1602

Go‘sht, yarim tayyor go‘sht, qondan tayyorlangan tayyor yoki konservalangan mahsulotlar

15

18.

1604

Tayyor yoki konservalangan baliq; baliq tuxumidan tayyorlangan osyotr ikrasi va uning o‘rnini bosuvchi moddalar

15

19.

1703

Shakarni olish yoki tozalash natijasida hosil bo‘lgan shinni

10

20.

1704

Tarkibida kakao bo‘lmagan qandolat mahsulotlari (shu jumladan, oq shokolad).

30, lekin 0,35 dollar/kgdan kam bo‘lmagan

21.

1806

Kakao tarkibli shokolad va boshqa tayyor oziq-ovqat mahsulotlari

30, lekin 0,35 dollar/kgdan kam bo‘lmagan

22.

1902

Issiqlik ishlovi berilgan yoki berilmagan, ichi to‘ldirilgan (go‘sht va boshqa mahsulotlar bilan) yoki to‘ldirilmagan hamda boshqa usulda tayyorlangan yoki tayyorlanmagan, spagetti, makaronlar, ugra, lazanya, kletski, ravioli, kannelloni kabi makaron mahsulotlari; kuskus, tayyorlangan yoki tayyorlanmagan

15, lekin 0,10 dollar/kgdan kam bo‘lmagan

23.

1905

Tarkibida kakao bo‘lgan yoki bo‘lmagan non, xamirli qandolat mahsulotlari, pirojniylar, pechene va boshqa non-bulochka hamda xamirli qandolat mahsulotlari; vaflilar, farmatsevtikada kerak bo‘ladigan bo‘sh kapsulalar, yopishtirish uchun vaflili kapsulalar, guruchli qog‘oz va shunga o‘xshash mahsulotlar

20, lekin 0,30 dollar/kgdan kam bo‘lmagan

24.

2004

Sirka yoki sirka kislotasi qo‘shilmagan holda tayyorlangan, konservalangan yoki muzlatilgan boshqa sabzavotlar

20

25.

2005

Sirka yoki sirka kislotasi qo‘shilmagan holda tayyorlangan, konservalangan yoki muzlatilmagan boshqa sabzavotlar

20

26.

2007

Issiqlik bilan ishlov berish yo‘li bilan olingan, shu jumladan, shakar yoki boshqa shirin ta’m beruvchi moddalar qo‘shilgan murabbolar, mevali jele, marmeladlar, meva yoki yong‘oq pyuresi, meva yoki yong‘oq pastalari

20, lekin 0,60 dollar/kgdan kam bo‘lmagan

27.

2008

Boshqa usulda tayyorlangan yoki konservalangan mevalar, yong‘oqlar va o‘simliklarning boshqa iste’mol qilinuvchi qismlari, tarkibida shakar yoki shirin ta’m beruvchi moddalar yoki spirt qo‘shimchalari mavjud bo‘lgan yoki mavjud bo‘lmagan, boshqa joyda nomi ko‘rsatilmagan yoki kiritilmagan

20

28.

2101

Qahva, choy yoki paragvay choyi yoki mate, paragvay choyining ekstraktlari, essensiya va konsentratlari hamda qahva, choy yoki mate yoki paragvay choyi asosidagi tayyor mahsulotlar; qovurilgan sikoriy va boshqa qovurilgan qahva o‘rnini bosuvchi moddalar va ulardan ekstraktlari, essensiyalari va konsentratlari

10

29.

2103

Souslar tayyorlash uchun mahsulotlar va tayyor souslar; ta’mli qo‘shimchalar va aralash ziravorlar; xantal kukuni va tayyor xantal

20

30.

2104

Tayyor sho‘rvalar va bulonlar va ularni tayyorlash uchun «yarim tayyor mahsulotlar»; gomogenlashtirilgan tarkibli tayyor oziq-ovqat mahsulotlari

30, lekin 1,0 dollar/kgdan kam bo‘lmagan

31.

2201

Suvlar, shu jumladan, tabiiy yoki sun’iy mineral, gazlangan, shirin ta’m beruvchi moddalar yoki xushbo‘y ta’mli qo‘shimchalar qo‘shilmagan

30, lekin 0,50 dollar/litrdan kam bo‘lmagan

32.

2202

Suvlar, shu jumladan, mineral va gazlangan, shirin ta’m beruvchi moddalar yoki xushbo‘y ta’mli qo‘shimchalar qo‘shilgan, boshqa alkogolsiz ichimliklar

30, lekin 0,50 dollar/litrdan kam bo‘lmagan

33.

3305

Soch uchun vositalar

20, lekin 0,50 dollar/kgdan kam bo‘lmagan

34.

3307

Soqol olishdan oldin, soqol olishda va soqol olgandan so‘ng ishlatiladigan vositalar, individual qo‘llash uchun dezodarantlar, vanna qabul qilish uchun birikmalar, tuklarni tushirish uchun vositalar va boshqa attorlik, kosmetik yoki boshqa pardoz vositalari, boshqa joyda nomlanmagan yoki kiritilmagan; xonalar uchun dezodorantlar, xushbo‘ylashtirilgan yoki xushbo‘y qilinmagan, dezinfeksiyalash xususiyatiga ega yoki ega emas

20

35.

6111, 6209

Bolalar kiyimi va bolalar kiyimlari uchun jihozlar


10

36.

6402999100,

6403511100,

6403519100,

6403593100,

6403599100,

6403911100,

6403919100,

6403993100,

6403999100

Patak uzunligi 24 sm dan kam bo‘lgan poyabzal

20, lekin 3,0 dollar/juftdan kam bo‘lmagan

* Bojxona bojining nol stavkalari 2023 yil 1 sentabrga qadar qo‘llanadi.

Ta’kidlash joizki, ushbu tovarlar uchun nol stavkalari birinchi marta joriy etilmoqda. 2023 yil 1 iyulgacha 22 turdagi oziq-ovqat, jumladan, go‘sht, baliq, sut mahsulotlari, meva va o‘simlik yog‘i uchun nol stavkalar belgilangandi.

Bundan tashqari, yangi ro‘yxatga shokolad, qandolat mahsulotlari, olma, nok va behi, yogurt, kefir va boshqa sut mahsulotlari, makaron, pishloq, boshqa mahsulotlar kiradi, ularning stavkalari 2022 yilning yozida o‘zgartirilishi taklif qilingan, ammo yakuniy ro‘yxatga kiritilmagan.

Oziq-ovqat mahsulotlarining yangi ro‘yxatiga imtiyozlar joriy etilishi haqida prezident Shavkat Mirziyoyev 23 mart kuni oziq-ovqat mahsulotlarini ko‘paytirish, bahorgi ekin mavsumini samarali tashkil etish bo‘yicha asosiy vazifalarga bag‘ishlangan videoselektor yig‘ilishida ma’lum qildi.

Tadbirda oxirgi ikki yilda jahonda oziq-ovqat inflyatsiyasi yiliga 15−20 foizdan pasaymayotgani, o‘simlik yog‘i, sut va go‘shtning jahon narxi so‘nggi 30 yildagi, don mahsulotlari va shakar esa so‘nggi 10 yildagi eng yuqori darajaga ko‘tarilgani qayd etildi.

Eksport-importda logistika, o‘g‘it va yoqilg‘i xarajatlari oshib ketgani ham oziq-ovqat narxlariga o‘z ta’sirini ko‘rsatayapti. Tahlillarga ko‘ra, bu holat 2023 yilda ham, kelgusi yillarda ham saqlanib qoladi.

O‘zbekistonda oziq-ovqat mahsulotlarini yetishtirishga 200 ming gektar yer ajratilgani, 500 ming gektar qo‘shimcha yerlar oborotga kiritilgani ichki bozordagi narx-navoni barqaror ushlab turish va eksportni ko‘paytirishga xizmat qilmoqda.

«Lekin aholimiz soni o‘sib borayotgani, jahondagi nobarqaror vaziyat, logistikadagi uzilishlar oziq-ovqatni ko‘paytirish bo‘yicha oldimizga yanada katta vazifalarni qo‘ymoqda», — dedi davlat rahbari.

Shu munosabat bilan viloyat, tuman hokimlari oziq-ovqatni ko‘paytirish, odamlarni band qilish bo‘yicha qo‘shimcha imkoniyatlarni izlashi kerakligi ko‘rsatib o‘tildi.

Prezident ayrim tumanlar ularga oziq-ovqat uchun 70 ming gektar qo‘shimcha maydon berilganiga qaramasdan, asosiy oziq-ovqat mahsulotlari bilan o‘zini o‘zi ta’minlay olmayotganini tanqid qildi. Hokimlar mavjud oziq-ovqat maydonlarini kengaytirish, yangi loyihalarni amalga oshirishda tashabbus ko‘rsatmayotgani qayd etildi.

Shu munosabat bilan hamda aholi dasturxonining to‘kin-sochinligini o‘ylab, yil oxirigacha oziq-ovqat mahsulotlari bo‘yicha import bojlaridan imtiyoz berilishi ta’kidlandi.

Bundan tashqari, 1 maydan ijtimoiy reyestrga kirgan aholiga mol, qo‘y va parranda go‘shti, tuxum va o‘simlik yog‘i xarid qilsa, qo‘shilgan qiymat solig‘i qaytariladi. Bu orqali 2 milliondan ortiq oilaga yengillik yaratiladi.