Ichki ishlar vazirligi axborot xizmati xabariga ko‘ra, Samarqand va Toshkent viloyatida odamlar o‘limi bilan bog‘liq yo‘l-transport hodisalari yuz bergan.
Xususan, 3 yanvar kuni soat 22:30 larda Samarqand viloyati Ishtixon tumanidan o‘tgan M37 Samarqand-Buxoro-Turkmanboshi avtomobil yo‘lining 51-kmda Damas ikki nafar piyodani urib yuborgan. Oqibatda piyodalar olgan jarohati sabab shifoxonada vafot etgan.
Shuningdek, 4 yanvar kuni soat 21:40 larda Toshkent viloyati Chinoz tumani hududidan o‘tuvchi M34 Toshkent-Dushanbe yo‘lining 61-kmda, «VAZ 2105» avtomobili yo‘l chekkasidagi ikki piyodani urib ketgan. Oqibatda har ikkala piyoda vafot etgan.
«VAZ 2105» haydovchisi spirtli ichimlik ichib harakatlangani aniqlandi.
