Botir Rahmatovich Parpiyev mahalla va nuroniylarni qo‘llab-quvvatlash vaziri maslahatchisi etib tayinlandi, deb xabar berdi Mahalla vazirligi matbuot xizmati «Gazeta.uz»ga.
Vazirlik ma’lumotlariga ko‘ra, maslahatchi lavozimi maqom bo‘yicha vazir o‘rinbosari lavozimiga tenglashtirilgan.
Botir Parpiyev (1946 yilda tug‘ilgan) 2002 — 2004 yillarda O‘zbekiston Davlat bojxona qo‘mitasi raisi, undan avval esa ichki ishlar vaziri o‘rinbosari (1998 — 2002) va favqulodda vaziyatlar vaziri lavozimlarida ishlagan. 2004 — 2018 yillarda Davlat soliq qo‘mitasini boshqargan.
So‘ngra Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Respublika kengashi raisining keksalar va faxriylar ishlari bo‘yicha o‘rinbosari, shuningdek, mahalla va oilani qo‘llab-quvvatlash vaziri o‘rinbosari (vazirlik qayta tashkil etilgunga qadar) lavozimlarida ishlagan.
