Toshkent viloyati Angren shahri hokimi Nuritdin Abdurahimov kasallikdan so‘ng vafot etdi, deb xabar berdi viloyat hokimligi matbuot xizmati.
Nuritdin Abdurahimov yanvar oyida Angren shahri hokimi etib tayinlangan edi. U 1978 yilda shu viloyatning Pskent tumanida tug‘ilgan.
Angren hokimligi saytida yozilishicha, Nuritdin Abdurahimov Toshkent moliya institutini tamomlagan (bakalavr — 1999, magistratura — 2001).
O‘tgan yillar davomida Davlat mulkini boshqarish davlat qo‘mitasi, «O‘zkimyosanoat» kompaniyasi, Iqtisodiyot vazirligida ishlagan.
Hokim etib tayinlanguniga qadar Abdurahimov 2018 yildan O‘zbekiston prezidenti Administratsiyasining yetakchi konsultanti sifatida faoliyat yuritgan.
