10 mart kuni Moldovadan 98 nafar O‘zbekiston fuqarolarini Buxarest shahri (Ruminiya) aeroporti orqali evakuatsiya qilish ishlari yakunlandi. Bu haqda Tashqi ishlar vazirligi rasmiy vakili xabar bermoqda. Evakuatsiya qilinganlarning 17 nafari ayollar, 5 nafari voyaga yetgaman shaxslar va 4 nafari chaqaloqlardir.
Ta’kidlanishicha, Polsha hududida O‘zbekistonning 220 nafarga yaqin fuqarosi, Ukraina-Polsha chegarasida esa 50 ga yaqin o‘zbekistonliklar qolmoqda. 11 mart kuni yana bitta evakuatsiya reysi amalga oshirilishi rejalashtirilgan.
Ma’lumot uchun, 9 mart kuni Ukrainadan Polshaning Katovitse aeroporti orqali 245 nafar O‘zbekiston fuqarosi olib kelingan edi.
28 fevraldan 10 martga qadar 22 ta aviareys tashkillashtirildi hamda harbiy harakatlar kechayotgan hududlardan 5 282 nafar o‘zbekistonliklar qaytarilgandi.
