28 sentyabr kuni O‘zbekistonda 477 ta yangi koronavirus holati qayd etildi, deya xabar qildi Sog‘liqni saqlash vazirligi matbuot xizmati.
Shu bilan birga, 2 nafar koronavirusga chalingan bemor vafot etib, jami ko‘rsatkich 461 nafarga yetdi.
Toshkent shahri, Namangan, Buxoro, Andijon, Toshkent, Samarqand hamda Surxondaryo viloyatlarida 501 nafar bemor tuzaldi.
Hozirda kasallik qayd etilgan jami 55 878 nafar bemordan 52 466 nafari sog‘ayib, davolanish ko‘rsatkichi 94 foizni tashkil etmoqda.
Ayni paytda tibbiyot muassasalarida davolanayotgan 2 951 nafar bemordan 670 nafari og‘ir, 272 nafari esa o‘ta og‘ir ahvolda.
