7 yanvar kuni bo‘lib o‘tgan yig‘ilishda Toshkent shahar ichki ishlar boshqarmasi o‘rtasida xizmat intizomi va qonun ustuvorligi buzilishiga qarshi kurash masalalari muhokama qilindi. Yig‘ilish ichki ishlar vaziri o‘rinbosari — O‘zbekiston IIV Kadrlar bosh boshqarmasi boshlig‘i Rustam Xotamov va ichki ishlar vaziri o‘rinbosari — poytaxt IIBB boshlig‘i Rustam Jo‘rayev tomonidan o‘tkazildi.
IIBB matbuot xizmatining xabar berishicha, tuman IIO FMBlari, shuningdek, IIBB xizmatlari va bo‘linmalari rahbarlari ishtirokida bo‘lib o‘tgan uchrashuvda xodimlar tomonidan xizmat intizomi va qonunni buzish holatlariga misollar keltirildi.
Kamchiliklarni bartaraf etish va bunday holatlarning oldini olish uchun xodimlar bilan olib borilayotgan tarbiyaviy ishlarning sifatini oshirish hamda rasmiy va kasbiy tayyorgarlikda darslar samaradorligini oshirish bo‘yicha chora-tadbirlar ishlab chiqish zarurligi ta’kidlandi.
Xizmat intizomini va qonun ustuvorligini buzganligi uchun 8 nafar xodimi egallab turgan lavozimidan ozod etildi, 7 nafari ichki ishlar organlaridan bo‘shatildi, 4 nafari qattiq tanbeh va 8 nafari xayfsan, 2 nafari jiddiy ogohlantirish oldi. 11 xodimga tegishli materiallar intizom kengashi muhokamasiga taqdim etildi. Shu bilan birga, 7 nafar xodim yaxshi xizmat ko‘rsatganliklari uchun taqdirlandi.
Yig‘ilishda «xodimlar bilan olib borilayotgan targ‘ibot-profilaktika ishlari samaradorligini yanada oshirish, xizmat intizomini kuchaytirish choralari belgilandi», deyiladi xabarda.
