14 va 15-dekabr kunlari Uzcard plastik kartochkalari egalari savdo uchun to‘lovlarni amalga oshirish, mobil va internet to‘lovlardan foydalanishda qiyinchiliklarga duch keldi.
11:00 dan 12:30 ga qadar terminallarning protsessing markazi bilan bog‘lanishidagi uzilishlarga tranzaksion faollikning ortishi sabab bo‘ldi, deya xabar qilindi Yagona umumrespublika protsessing markazi (YAUPM) saytida.
YAUPM PR-menejeri Javohir Qudratovning “Gazeta.uz"ga izoh berishicha, markaz tomonidan xizmat sifatini oshirish bo‘yicha choralar ko‘rilmoqda.
“Yangi uskunalar keltirilmoqda, yaqin vaqtlarda texnik quvvat oshiriladi”, — ta’kidladi u.
YAUPM karta egalarini Yangi yil bayrami arafasida savdo va onlayn-to‘lovlarni kunning ikkinchi yarmida va kechki vaqtlarga rejalashtirishni tavsiya qilmoqda.
