Sherzod Kudbiyev Toshkent shahar Mirzo Ulug‘bek tuman hokimi lavozimiga tayinlandi, guvohlik bermoqda tuman hokimiyati sayti.
Tumanning yangi rahbari (1981 yil 12 aprelda Farg‘onada tavallud topgan) — Farg‘ona politexnika instituti bitiruvchisi (mutaxassisligi: moliya va kredit).
Bunga qadar — 2015 yildan — Vazirlar Mahkamasi Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish va hududlarni kompleks rivojlantirish masalalari yig‘ma axborot-tahlil departamenti mudiri o‘rinbosari vazifasida faoliyat ko‘rsatgan.
Ungacha — 2012−2015 yillarda Mehnat va aholini ijtimoiy muhofaza qilish vazirligi Respublika aholi bandligi, mehnatni muhofaza qilish va aholini ijtimoiy muhofaza qilish ilmiy markazi direktori bo‘lgan.
2010−2012 yillarda Vazirlar Mahkamasining yuqorida ko‘rsatilgan departamenti yetakchi mutaxassisi, 2007−2010 yillarda Mehnat va aholini ijtimoiy muhofaza qilish vazirligida turli lavozimlarda faoliyat ko‘rsatgan.
Eslatib o‘tamiz, seshanba kuni Mirzo Ulug‘bek tumanining avvalgi hokimi Shomansur Ahmedov faoliyatida jiddiy kamchiliklarga yo‘l qo‘ygani sababli lavozimidan chetlatilgan edi.
