Нурмат Сатиниязович Отабеков Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раисига биринчи ўринбосар этиб тайинланди.
Нурмат Отабеков бунгача Эпидемиология, микробиология ва юқумли касалликлар илмий текшириш институти директори, Республика ОИТСга қарши кураш маркази директори каби лавозимларда ишлаган.
Шунингдек, Ботиржон Қурбонов ва Қобилжон Ҳайитов хизматнинг қўмитага айлангани муносабати билан қўмита раиси ўринбосарлари лавозимига қайта тайинлади.
Тайинланганларнинг барчаси 2020 йил октябрь ойидан буён Санитария-эпидемиологик осойишталик ва жамоат саломатлиги хизмати бошлиғининг ўринбосарлари сифатида ишлаб келаётганди.
