26 июль куни Ўзбекистон (Бахтиёр Саидов), Тожикистон (Сирожиддин Муҳриддин) ва Туркманистон (Рашид Мередов) ташқи ишлар вазирлари ўртасида видеоконференцалоқа шаклида музокаралар бўлиб ўтди.
Ўзбекистон ТИВ хабарига кўра, учрашувда август ойида Ашхобод шаҳрида бўлиб ўтадиган уч мамлакат президентларининг саммитига тайёргарлик кўриш ва уни ўтказиш масалалари муҳокама қилинди. Вазирлар бўлажак йиғилишнинг дастури лойиҳаси, кун тартиби, шунингдек, саммитнинг якуний ҳужжати лойиҳасини муҳокама қилди.
Шавкат Мирзиёев 19 июль куни Марказий Осиё мамлакатлари ва Кўрфаз араб давлатлари ҳамкорлик кенгаши етакчиларининг биринчи саммитида Тожикистон президенти Эмомали Раҳмон ва Туркманистон президенти Сердар Бердимуҳамедов билан учрашган.
Давлат раҳбари 2022 йилнинг 21−22 октябрь кунларида Туркманистонга расмий ташриф билан борганди.
