Ўзбекистонлик профессионал боксчи Бектемир Мелиқўзиев (8−1, KO) 19 март куни Лос-Анжелесда бўлиб ўтган баҳсда перулик Давид Сегаррани (34−7, 21 KO) иккинчи раундда мағлуб қилди.
Суперўрта вазндаги жанг 10 раунд давом этиши керак эди, лекин иккинчи раунднинг бошидаёқ туганди. 25 ёшли ўзбекистонлик боксчи рақибининг жигар қисмига аниқ зарба берди, натижада 37 ёшли Сегарра жангни давом эттира олмади. Бу перулик учун кетма-кет бешинчи мағлубият бўлди.
Ушбу ғалаба Бектемир Мелиқўзиев учун ўтган йилнинг июнь ойида Габриэль Росадога мағлубиятидан сўнг иккинчиси бўлди. Жангдан олдинги матбуот анжуманида, Мелиқўзиев Росадога қарши реванш жангини ўтқазмоқчи эканлигини таъкидлади. Шунингдек, иккинчи ўрта вазнда жаҳон чемпиони камарига эга бўлмоқчи эканлигини ҳам маълум қилди.
Видео
