Ўзбекистонлик профессионал боксчи Бектемир Мелиқўзиев АҚШда фаолиятидаги навбатдаги жангини ўтказди. Ушбу баҳсда ўзбекистонлик боксчи америкалик Габриэль Росадога қарши рингга кўтарилди.

12 раундга мўлжалланган жанг 3-раундда якунига етди. Росадо раунд ўртасида ўнг қўлидаги кучли зарбаси билан Бектемирни рингга қулатди. Ушбу вазиятда рефери жангни тўхтатди ва Росадонинг ғалабасини қайд этди.

Шу тариқа, Бектемир проф боксдаги илк мағлубиятини қабул қилиб олди.

Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.

Эслатиб ўтамиз, аввалроқ Бектемир Мелиқўзиев 4 йилга барча миллий ва халқаро спорт мусобақаларида иштирок этиш ҳуқуқидан маҳрум этилгани, унинг профессионал боксда чиқишларини давом этиши ёки этмаслиги тегишли Халқаро профессионал бокс ташкилотининг қарорига боғлиқ эканлиги ҳақида хабар берилган эди.