Бокс бўйича Ўзбекистон терма жамоаси аъзоси Абдумалик Халаков (-60 кг) Белградда (Сербия) ўтказилган жаҳон чемпионатида кумуш медални қўлга киритди.
Аввал хабар қилганимиздек, боксчи ярим финалдаги рақиби жароҳати туфайли тўғридан-тўғри турнир финалига йўл олди. 5 ноябрь куни олтин медал учун кечган жангда унга Франция вакили Софиан Умия рақиблик қилди.
Жанг жуда шиддатли кечди, иккала боксчи ҳам тайёрланган режа ва тактикага амал қилишга ҳаракат қилишди, аммо якунда француз спортчиси жаҳон чемпиони унвонини қўлга киритди — 5:0.
Шу тариқа, Ўзбекистон бокс бўйича жаҳон чемпионатини иккита медал билан якунлади — «кумуш» Абдумалик Халаковга насиб этди, бронза медални аввалроқ Мадияр Саидраҳимов қўлга киритган эди.
Фото
