9 ой ичида Ўзбекистон хорижий давлатларга қиймати 242,5 млн АҚШ долларига тенг бўлган 25 171 та енгил автомобиллар экспорт қилган, деб хабар берди Давлат статистика қўмитаси.
Қайд этилишича, енгил автомобиль экспорти ўтган йилнинг мос даври билан солиштирилганда 14 036 тага ошган.
2021 йилнинг 9 ойида хорижий давлатлардан 18 150 та енгил автомобил импорт қилинган эди.
Автомобилларнинг асосий қисми ҳамон Қозоғистонга жўнатилади — UzAuto Motors экспортининг 95,9 фоизи ушбу мамлакат ҳиссасига тўғри келди (биринчи ярим йилликда бу кўрсаткич 93,7 фоизни ташкил этган). Улардан кейин Украина (448), Россия (320), Афғонистон (128) ва бошқалар.
Spot.uz хабарига кўра, март ойидан бери Қозоғистон автомобиль бозорида машҳурлик бўйича Chevrolet автомобиллари биринчи ўринларни эгаллаб турибди. Мамлакатда янги автомобиллар учун навбатлар пайдо бўлмоқда, шу сабабли UzAuto маълумотларига кўра, Қозоғистонда автомобиллар нархи Ўзбекистонникидан 1000 долларга қимматроқ.
Аввал хабар қилинганидек, жорий йилнинг саккиз ойидаUzAuto Motors томонидан 130,4 минг дона, август ойида эса 5534 дона, жумладан, 350 дона Cobalt, 177 дона Nexia, 2 дона Lacetti ва бирорта ҳам Spark ишлаб чиқарилмаган. Сентябр ойида Lacetti ишлаб чиқариш тикланди, аммо ишлаб чиқариш ҳажми пастлигича қолмоқда. Компания буни бутун дунёда кузатилаётган ярим ўтказгичларнинг кескин танқислиги билан изоҳламоқда.
