Президент таннарх баландлиги, айрим «уддабуронлар» даромад ортидан қувиб, қадоқлашда сифатсиз маҳсулот қўшиб юбораётгани оқибатида Ўзбекистон маҳсулотлари ташқи бозорда лидерликни йўқотаётганини айтди. Унинг сўзларига кўра, биргина узум экспортидан 500 млн доллар олиш мумкин.
Ўзбекистонда бош вазир раҳбарлик қиладиган мева-сабзавот ва озиқ-овқат экспорти бўйича комиссия тузилади. Президент савдо уйларини тадбиркорлар бошқарувига бериш, томорқасида мева-сабзавот етиштираётганларни ўзини ўзи банд қилган шахс сифатида кўриш ва бошқаларни қўллаб-қувватлади.
Президент яна бир бор экспорт муҳимлигини таъкидлади. «Бир ҳақиқатни аниқ тушуниб олиш зарур. Инфляцияни жиловлаш ва валюта барқарорлигини таъминлаш экспорт билан чамбарчас боғлиқ. Қанчалик кўп маҳсулот ишлаб чиқармайлик, экспорт учун керакли шарт-шароитни яратмасак, ўзгариш бўлмайди», — деди у.
Ўзбекистоннинг товар айланмаси 2023 йилда 23,8 фоизга ошиб, 62,6 млрд долларни ташкил этди. Савдо тақчиллиги рекорд даража — 13,7 млрд долларга етди. Экспортнинг учдан бир қисмини рекорд даражада сотилган олтин ташкил этди. Озиқ-овқат, нефть ва газ импорти кескин ошди.
Президент экспорт масаласини «ҳаёт-мамотимиз» деб атади. «Агар валюта баланси, инвестиция ёки конвертацияни давом эттирамиз десак, экспортни импортга нисбатан барқарор ушлаб туришимиз керак», — деди у.
Президент юк ташиш учун қўшимча йиғимлар, ҳайдовчилар учун виза режими мураккаблиги ва бошқа масалалар билан лозим даражада шуғулланмаётгани учун транспорт вазирини огоҳлантирди. Давлат раҳбари айрим элчилар ва савдо маслаҳатчиларини ҳам танқид қилди.
Президент Экспорт агентлиги тармоқ ва ҳудуд раҳбарлари билан бирга экспортни кредитлашга ва экспортчиларни қўллаб-қувватлашга ажратилган маблағлардан самарали фойдаланишини таъминлай олмаётганини таъкидлади. Имтиёзли шартларда ажратилган ҳар 1 долларга ўртача 5 долларлик экспорт тўғри келмоқда.
Абдулла Ариповга экспорт ҳажмлари камайгани учун Андижон, Бухоро, Қашқадарё, Навоий вилоятлари ҳокимларининг инвестиция бўйича ўринбосарлари ҳамда 10 та туман ва шаҳар ҳокимига нисбатан интизомий чора кўриш топширилди.
2023 йилнинг 11 ойида Ўзбекистоннинг ташқи савдо айланмаси 57,3 млрд долларга (+26,2 фоиз) етди. Импорт экспортдан қарийб 11 млрд долларга ошди. Олтин экспорти 2,3 баравар кўпайиб, рекорд даража — 8,1 млрд долларни ташкил этди. Самолётлар, автомобиллар, нефть ва бошқа ресурслар импорти юқорилади.
Россия ҳукумати автомобиль бензинини Россиядан олиб чиқишга қўйилган вақтинчалик тақиқни бекор қилди. Тақиқ ички бозордаги нархларни барқарорлаштириш мақсадида 21 сентябрда жорий қилинганди.
Ўзбекистон, Озарбайжон ва Қозоғистон «яшил» энергияни Европага экспорт қилиш лойиҳаси истиқболларини муҳокама қилди. Бунинг учун қўшма корхона ташкил этилиши мумкин. Лойиҳа уч мамлакат иқтисодиёти ва энергетика тизимлари алоқаларини мустаҳкамлайди, деди инвестициялар вазири Лазиз Кудратов.
Россиянинг Иркутск вилоятига Зангиотадан экспорт қилинган 3150 дона атиргул тамаки оққаноти ҳашароти билан зарарлангани аниқланди. Тадбиркор уларни фитосанитар рухсатномасисиз жўнатган, «Росселхознадхор» эса олиб киришга рухсат бермаган. Гуллар ўша ерда ёқиш йўли билан йўқ қилинган.
Сентябрь ойида Ўзбекистон Хитойга 41,6 млн долларлик газ етказиб берди — бу апрелдан бери етказиб беришнинг минимал ҳажми бўлди. Йил бошидан буён Хитойга газ экспорти 412,2 млн долларни ташкил этди, бу ўтган йилнинг шу даврига нисбатан деярли 1,9 баробар кам.
Санкциялар остидаги Россия қўшни давлатлар, жумладан, Ўзбекистондан товарлар импортини салкам 40 фоизга оширди, деб ёзмоқда The Bell. Бунга параллель тарзда Европанинг минтақага экспорти, айниқса, микроэлектроника, транспорт ускуналари, компьютер ва бошқа электрон ускуналар экспорти ўсди.
Январь-август ойларида Ўзбекистон мева-сабзавотлар экспортида қиймат жиҳатидан энг катта улушни шафтоли (нектарин), гилос, пиёз, узум, майиз, ўрик, қовун, тарвуз ҳамда помидор эгаллади. Мамлакат мева-сабзавот маҳсулотларининг асосий экспорт бозори Россия бўлиб турибди.
Хитойнинг China Railway Beijing Group компанияси Ўзбекистонга янги темирйўл йўналиши бўйича экспортни йўлга қўйди. Товарларнинг биринчи партияси мамлакат шимолидаги Чжанжиаку шаҳридан Тошкентга 15 кун ичида етиб келиши кутилмоқда.
Ўзбекистон ҳар йили ўн минглаб тошбақа экспорт қилади. Кўпчилик бу тошбақалар табиат бағридан юлиб олинади, деб ўйлайди. Афсуски, шундай контрабандачилар ҳам йўқ эмас. Аммо тошбақаларни питомникда кўпайтирадиганлар ҳам бор. «Газета.uz» тошбақалар тутқунликда қандай кўпайтирилиши ҳақида ҳикоя қилади.
Ўзбекистон июль ойида Хитойга табиий газ экспортини оширди. Қиймат бўйича етказиб бериш ҳажми 91,4 млн долларга ўсди, бу июнь ойига нисбатан 7,2 фоизга кўп.
Ўзбекистон июнь ойида Хитойга табиий газ экспортини оширди. Қиймат жиҳатидан етказиб бериш 85,3 миллион долларга ошган, бу май ойига нисбатан 9,1 фоизга кўп. Аввалроқ мамлакатда газ қазиб олиш 2,51 миллиард куб метрга камайганини ёзгандик.
2023 йилнинг дастлабки 5 ойида АҚШ Ўзбекистоннинг асосий экспорт ҳамкорлари орасида 22-ўриндан 12-ўринга кўтарилди. Мамлакатнинг Қўшма Штатларга экспорти ўтган йилнинг мос даврига нисбатан 3 баравар (301,6 фоизга) юқорилади, импорт деярли ўзгаришсиз қолди. Туркияга экспорт камайди.
Қўшимча имкониятларга эга булиш учун сайтда рўйхатдан ўтинг