АҚШнинг Moderna компанияси 6 ойликдан 12 ёшгача бўлган болаларда mRNA-1273 номли коронавирусга қарши вакцинасининг 2/3 фаза синовларини бошлагани ҳақида эълон қилди, дея хабар бердиРИА Новости.
Тадқиқотлар давомида вакцинанинг 28 кун оралиғида юборилган икки дозаси бўйича хавфсизлиги, организмга таъсири, шунингдек, самарадорлиги баҳоланади. Синовларда АҚШ ва Канада бўйлаб 6750 нафар болалар иштирок этиши кўзда тутилган.
Биринчи босқичда икки ёшдан 12 ёшгача бўлган болалар вакцинанинг икки дозасидан биринчисини (50 ёки 100 мкг), олти ойликдан икки ёшгача бўлган болалар эса учта дозада (25, 50 ва 100 мкг) олишади. Кейинчалик, плацебо билан назорат қилинган ҳолда тадқиқотнинг иккинчи босқичида қандай дозани қўллашни аниқлаш бўйича таҳлил олиб борилади. Иккинчи эмлашдан сўнг, тадқиқот иштирокчилари 12 ой давомида кузатиб борилади.
Moderna ўз вакцинасини ёш болаларда синовдан ўтказаётган илк компания бўлди. Ўтган йилнинг декабрида Moderna АҚШда 12 ёшдан 17 ёшгача бўлган ўсмирлар ўртасида COVID-19 вакцинасини синовдан ўтказишни бошлаган эди.
