CNN, The Insider va Bellincat нашрлари томонидан биргаликда ўтказилган ўрганишларга кўра, бунда Федерал хавфсизлик хизматининг (ФСБ) қўли бор, дея таъкидланмоқда.
Суриштирув муаллифларининг айтишича, суиқасдда 8 киши қатнашган ва уларнинг шахси телефон қўнғироқлари биллинг тизими орқали аниқланган. Унга кўра, ушбу гуруҳни 70-йилларда Саратов институтида фаолият олиб бориб, «Новичок» моддасининг яратилишида қатнашган Станислав Макшаков бошқаргани айтилмоқда. Шунингдек, CNN қолган иштирокчиларнинг шахсларини ҳам эълон қилди: Олег Таякин, Алексей Александров, Иван Осипов, Константин Кудрявцев, Алексей Кривощеков, Михаил Швец, Владимир Паняев.
Маълум қилинишича, ушбу шахслар Алексей Навальнийни 2017 йилдан бери, яъни у президентликка ўз номзодини қўйишини эълон қилганидан бери кузатиб келишган.
Бироқ, ушбу шахсларнинг ўша куни Омск шаҳрида бўлганлиги борасида ҳеч қандай маълумотлар йўқ.
Суриштирувнинг кўрсатишича, июль ойида Алексей Навалнийни заҳарлашга уриниш бўлган. Кейин у ва унинг рафиқаси Юлия бироз муддат Калининградда бўлишган. Алексей Александров, Михаил Швец ва Владимир Паняев у ерга учиб кетишган. Кейинроқ Юлия Навалная ўзини ёмон ҳис қилгани аниқланган: «Мен ҳаётимда ҳеч қачон ўзимни бунчалик ёмон ҳис қилмаганман», деди у. Шу билан бирга, унинг рафиқасида ҳеч кандай оғриқлар сезилмаган. Алексей Навалний ҳам заҳарланиш пайтида шунга ўхшаш нарсаларни бошдан кечирганини таъкидлади. Айтилишича, заҳарлашда гумонланаётганлар шу пайт давомида Станислав Макшаков билан ва у эса Криминалистика институтини бошқарувчи генераллар Кирилл Васильев ва Владимир Богданов билан фаол равишда хабар алмашишган.
Журналистларнинг маълумотларига кўра, бир ой ўтгач Алексей Александров, Иван Осипов ва Владимир Паняев Алексей Навалнийнинг орқасидан Новосибирскга, кейин Томскка боришган. Улар 16 август ва 19 август кунлари, журналистлар тахмин қилганидек, Алексей Навалний заҳарланган пайтларда фаол равишда бир-бирлари билан алоқада бўлишган.
Муаллифлар ушбу маълумотлар заҳарнинг танага қандай тушганлиги ҳақидаги саволга аниқ жавоб бермаслигини тан олишади, аммо олдинроқ The Insider мухолифатчи ўз кийимларини кимёвий тозалашга топширганида, «Новичок» унинг ички кийимига нисбатан қўлланилганлиги ҳақидаги таҳминни илгари сурган: меҳмонхонага кийимларни кимёвий тозалашдан айнан Алексей Навалний ювинишга кетган пайт олиб келишган.
Алексей Навалний 20 август куни Томскдан Москвага учадиган самолётдалигида аҳоли оғирлашган. У комага тушган ва лайнер шошилинч равишда Омскга қўнган. Кейинчалик мухолифатчи Берлин шаҳридаги Charite клиникасига кўчирилди. Ҳозирда Алексей Навалний Германияда реабилитация муолажаларидан ўтмоқда, шундан сўнг у Россияга қайтмоқчи.
