Энг янги KIA Seltos моделининг нархи Ўзбекистонда 229,9 миллион сўмдан, К5 — 249,9 миллион сўмдан бошланади, деб хабар берди компания веб-сайти.

«Газета.uz» аввал хабар берганидек, Roodell компанияси «Жиззах» эркин иқтисодий зонасидаги ADM-Jizzakh заводида Seltos ва К5 автомобиллари йиғилишини бошлашни режалаштирмоқда.

К5 седани ва Seltos ихчам кроссоверининг чиқарилиши ноябрга режалаштирилмоқда. Биринчи босқичда заводнинг ишлаб чиқариш қуввати йилига 25 минг донани ташкил этади. Иккинчи босқичда, 2022 йил охирига келиб, пайвандлаш ва корпусни бўяш цехлари ишга туширилгач, қуввати 100 мингтага кўпаяди.

Автомобилларни ишлаб чиқаришга мўлжалланган ишлаб чиқариш линияси KIA Motors компаниясининг Россиянинг минтақавий штаб-квартираси иштирокида ташкил этилди.

Нархлар

Ўзбекистондаги KIA веб-сайтидаги маълумотларга кўра, Seltos кроссовери учта комплектацияда тақдим этилган:

  • Luxe — 229,9 миллион сўмдан;
  • Style — 252 90 000 сўмдан;
  • Prestige — 279,9 миллион сўмдан.

К5 седани эса олтита коплектацияда тақдим этилади:

  • Comfort — 249 900 000 сўмдан;
  • Luxe — 269 900 000 сўмдан;
  • Luxe — 279 900 000 сўмдан;
  • Prestige — 293 900 000 сўмдан;
  • Style — 343 900 000 сўмдан;
  • GT Line — 369 900 000 сўмдан.