20 июнь куни соат 17:00 ҳолатига кўра, Ўзбекистонда коронавирус инфекцияси қайд этилганлар сони 6119 нафарни ташкил этмоқда, дея маълум қилди Соғлиқни сақлаш вазирлиги.
Унга кўра, янги касалланиш ҳолатларининг 69 нафари Карантин марказидаги фуқаролар орасида, 12 нафари Тошкент вилоятида (шундан 10 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), 9 нафари Тошкент шаҳрида аҳоли орасида, 4 нафари Сурхондарё вилоятида (шундан 3 нафари коронавирусга чалинганлар билан мулоқотда бўлиб, карантинга олинган фуқаролар орасида, 1 нафари аҳоли орасида) қайд этилган.
Ҳозиргача кун давомида мамлакатда 173 та янги COVID-19 ҳолати тасдиқланди.
Айни пайтда мамлакатда 4273 нафар коронавирус инфекциясига чалинган фуқаролар бутунлай соғайган.
