«ссв» тегли мақолалар
«Тез ёрдам»га 3 ойда 3,1 млн мурожаат келиб тушди
2024 йилнинг дастлабки 3 ойи давомида «Тез ёрдам» хизматига 3,1 миллионта мурожаат келиб тушган. Уларнинг 812 247 таси сурункали касалликлар, 19 114 таси эса туғруқлар учун чақирилган.
Фарғонада янги туғилган чақалоқ халтага солиниб, ерга ташлаб қўйилгани аниқланди
Фарғона вилояти Қува тумани тиббиёт бирлашмасида бир кунлик чақалоқ полисинтетик халтада ерга ташлаб қўйилгани маълум бўлди. ССВнинг қайд этишича, чақалоқ муддатидан аввал туғилгани сабаб вафот этган. Унинг онаси диспансер назоратида турмаган ва ҳомилани яшириб юрган. Ҳолат назоратга олинди.
Учта вилоятдаги тез тиббий ёрдам хизматларига 30 та Volkswagen Caddy автомобили топширилди
Қашқадарё, Самарқанд ва Хоразм вилоятларидаги тез тиббий ёрдам хизматларига 30 та Volkswagen Caddy автомобили топширилди. 2023 йилда Республика тез тиббий ёрдам марказига 685 та шундай автомобиль етказиб берилган, 2024 йил мартига қадар марказ автопарки яна 170 та машина билан тўлдирилади.
Президент дориларни электрон рецепт асосида бериш ва 300 та клиник протоколни янгилаш бўйича топшириқ берди
Президент мутасаддиларга 300 та клиник протокол ва стандартларни халқаро мезонларга мослаштириш бўйича топшириқ берди. Шунингдек, «Электрон поликлиника», «Электрон шифохона» ва «Электрон тиббий карта» тизимини ишга тушириш, дориларни электрон рецепт асосида беришни йўлга қўйиш вазифасини топширди.
Алишер Шадмановнинг бетоблиги сабабли ССВ раҳбарининг биринчи ўринбосари лавозими Даврон Султоновга юклатилди
Соғлиқни сақлаш вазирининг биринчи ўринбосари Алишер Шадманов узоқ муддатли даволаниш учун меҳнат таътилига чиқди. Унинг вазифасини вақтинчалик Президент администрацияси вакили Даврон Султанов бажаради.
Янги йил байрами ва дам олиш кунлари тиббиёт муассасалари туну кун ишлайди — ССВ
Соғлиқни сақлаш вазирлиги Ўзбекистонда 30 декабрдан 2 январгача бўлган дам олиш кунларида тиббиёт муассасалари 24 соат ишлашини маълум қилди.
Ўзбекистонда мавсумий касалликлар сабаб ўқув муассасаларини вақтинча ёпишга асос йўқ — CЭС
Ўзбекистонда мавсумий касалликлар сабаб ўқув муассасаларини вақтинча ёпишга асос йўқ, деди Санэпидқўм раиси биринчи ўринбосари Нурмат Aтабеков. Тармоқларда вазиятни яхшилаш учун муассасаларни ёпиш таклиф қилинганди. Мутахассис янги пандемия ва эпидемия бошлангани ҳақидаги миш-мишларни рад этди.
Ўзбекистонда 9 ойда оналар ўлими 100 минг тирик туғилишга нисбатан 14,1 промиллини ташкил этди
Ўзбекистонда 9 ой давомида оналар ўлими кўрсатгичи 100 минг тирик туғилишга нисбатан 14,1 промиллини ташкил этди. Бу кўрсаткич 2022 йилнинг шу даврига нисбатан 13,1 промиллига тенг бўлган. Хусусан, Сирдарё вилоятида кўрсаткич 11,6 промиллидан 45,6 промиллига ошган.
Ўзбекистон Франциядан 10 та тиббий вертолёт харид қилишни режалаштирмоқда
Ўзбекистон Франциянинг Airbus Helicopters компаниясидан 10 та тиббий вертолёт харид қилишни режалаштирмоқда. ССВ раҳбари Амрилло Иноятов компания раҳбарияти билан Европа стандартларига мос тиббий авиация хизматини ташкил этиш ҳамда соҳа мутахассисларини тайёрлаш каби масалаларни муҳокама қилди.
Қаршидаги Она ва бола саломатлиги тиббиёт марказида Беларусь бошқарув тизими жорий этилади
Қашқадарёдаги Она ва бола саломатлиги тиббиёт марказида Беларусь бошқарув тизимини жорий этиш, вилоятдаги 900 нафар дояни ушбу давлат таълим стандартлари асосида ўқитиш режалаштирилмоқда. Шунингдек, Беларусь вакиллари Ўзбекистон соғлиқни сақлаш кодексини ишлаб чиқишда ёрдам беришини билдирди.
ССВнинг собиқ раҳбари Алишер Шадманов таълим соҳасидаги хизматлари учун тақдирланди
Шавкат Мирзиёев соғлиқни сақлаш вазирининг биринчи ўринбосари, Тошкент тиббиёт академияси ректори, собиқ соғлиқни сақлаш вазири Алишер Шадмановни «Фидокорона хизматлари учун» ордени билан тақдирлади.
«Бу мавзуга чуқур кирманглар». ССВ раҳбари журналистларга «Антиструмин» дориси бўйича маслаҳат берди
ССВ раҳбари Амрилло Иноятов сешанба куни журналистлар билан учрашувда «Антиструмин» дориси мавзусига чуқур кирмасликни маслаҳат берди. «Бу мавзу билан шуғулланаётган одамлар бор. Нима бўлса ҳам, ўзи текширади, ўзи жавобини беради. Бу мавзуга чуқур кирманглар», — деди вазир.
ССВ Президент администрацияси интервью беришни тақиқламаганини маълум қилди
Ўзбекистон ССВ Президент администрацияси вазирга «Антиструмин» қабул қилган болаларда ножўя таъсирлар кузатилаётгани билан боғлиқ вазият ҳақида интервью беришни тақиқламаганини маълум қилди. Бу ҳақда аввалроқ журналистларга ўзини вазир ёрдамчиси деб атаган шахс айтган эди.
Журналистлардан юзлаб болаларнинг касалхонага ётқизилиши масаласини «ковламаслик» сўралди
Наманганда журналистлар шифохонага ётқизилган болалар билан боғлиқ вазиятни ёритиш бўйича расмийлар билан тортишди. Ўзини ССВ раҳбари ёрдамчиси сифатида таништирган шахс вазирга интервью бериш тақиқланганини айтди. «Болалар касалланаётган пайтда сукут сақлаб бўлмайди», деб жавоб берди журналистлар.
Ўзбекистонда кўкйўтал эмланмаганлар орасида тарқалмоқда ва бу табиий ҳол — Нурмат Отабеков
Санитария-эпидемиологик осойишталик ва жамоат саломатлиги қўмитаси раиси ўринбосари Нурмат Отабековнинг айтишича, кўкйўтал касаллиги мавсумий бўлиб, асосан эмланмаганлар орасида тарқалади. «Шу боис кўкйўтал кам миқдорда бўлса-да, аҳоли ўртасида қайд этиб турилиши табиий ҳол», — деди у.
Ўзбекистон тиббиётини ривожлантириш жамғармаси ташкил этилади
Соғлиқни сақлаш вазирлиги ҳузуридаги мавжуд тўртта жамғарма бирлаштирилиб, Тиббиётни ривожлантириш давлат мақсадли жамғармаси ташкил этилади.
Ўзбекистонда «Аҳоли саломатлиги-2030» стратегияси ишлаб чиқилади
Ўзбекистонда халқаро ташкилотлар жалб қилинган ҳолда «Аҳоли саломатлиги — 2030» миллий стратегияси ишлаб чиқилади. ССВ ҳамда Саломатлик ва стратегик ривожланиш институти 2024−2026 йилларга мўлжалланган соғлом турмуш тарзини шакллантириш ва тўғри овқатланишни тарғиб қилиш дастурини тузади.
Ўзбекистонда тиббий суғуртани 2026 йил охиригача тўлиқ жорий этиш режалаштирилмоқда
Ўзбекистонда тиббий суғуртани 2026 йил охиригача тўлиқ жорий этиш режалаштирилмоқда. 2024 йилдан Давлат тиббий суғурта жамғармаси Соғлиқни сақлаш вазирлиги тизимига ўтказилади, 2027 йилдан эса мустақил жамғармага айланади.
Фармацевтика тармоғини ривожлантириш агентлиги ССВга қайтарилди
Фармацевтика тармоғини ривожлантириш агентлиги Соғлиқни сақлаш вазирлиги тузилмасига қайтарилди. Ўтган йилнинг декабрь ойида маъмурий ислоҳотлар доирасида у Инвестициялар, саноат ва савдо вазирлиги таркибига ўтказилганди.
Асосий дори воситаларининг янгиланган рўйхати тасдиқланди
Ўзбекистонда янгиланган асосий дори воситалари рўйхати (АДВР) тасдиқланди. Ундан 65 гуруҳга мансуб дорилар ўрин эгаллаган. Рўйхатдан тиббиёт муассасалари эҳтиёжини таҳлил этиш, бундай дорилар мавжудлигини мониторинг қилиш, нархини шакллантириш ва бошқа мақсадларда фойдаланилади.
Энг кўп ўқилган хабарлар | Сўнгги янгиликлар
- Фото, видео: Тошкентнинг марказий кўчалари бўйлаб ҳарбий марш бўлиб ўтди (1)
- Газ ва электр ҳисоб рақамлари 1 майгача тўлдириб қўйилса, эски тариф 2 ой мобайнида амал қилади
- 300 минг долларлик альбом, муаллифлик ҳуқуқи ва дунёни забт этиш мақсади — бастакор Султон Али Раҳматов билан интервью
- UzAuto Motors 23 апрель куни Damas учун контрактацияни очади
- 9 та вилоятда сел-сув тошқини хавфи эълон қилинди
Қўшимча имкониятларга эга булиш учун сайтда рўйхатдан ўтинг