Toshkentning “Humo” xokkey klubi 7-fevral kuni Humo Arena muz arenasida Qozog‘istonning chempionatining navbatdagi turi doirasida Ostonaning “Nomad” jamoasini ishonchli tarzda — 5:1 hisobida mag‘lub etdi.
Birinchi bo‘limdan keyin Toshkent jamoasi 0:1 hisobida mag‘lub bo‘layotgandi, ikkinchi bo‘limda ular birdaniga beshta gol urishga muvaffaq bo‘ldi.
Uchrashuvni O‘zbekiston prezidenti Shavkat Mirziyoyev va rasmiy tashrif bilan kelgan Belarus prezidenti Aleksandr Lukashenko kuzatib bordi.
O‘yindan so‘ng Shavkat Mirziyoyev shunday dedi: “Abdulla Nig‘matovich (bosh vazir Abdulla Aripov — tahr.), tabriklayman! 5:1. Bunga Aleksandr Grigorevich aybdor! U kelishi bilan: „O‘zbeklar, agar qozoqlarga yutqazsangiz…“ degandi”.
Aleksandr Lukashenko qo‘shimcha qildi: “Ularga muxlislar kerak edi”.
Belarus prezidenti tashrifining asosiy tadbirlari 8-fevralga belgilangan.
Video
Foto
