Тошкентнинг «Ҳумо» хоккей клуби 7 февраль куни Humo Arena муз аренасида Қозоғистоннинг чемпионатининг навбатдаги тури доирасида Остонанинг «Номад» жамоасини ишончли тарзда — 5:1 ҳисобида мағлуб этди.
Биринчи бўлимдан кейин Тошкент жамоаси 0:1 ҳисобида мағлуб бўлаётганди, иккинчи бўлимда улар бирданига бешта гол уришга муваффақ бўлди.
Учрашувни Ўзбекистон президенти Шавкат Мирзиёев ва расмий ташриф билан келган Беларусь президенти Александр Лукашенко кузатиб борди.
Ўйиндан сўнг Шавкат Мирзиёев шундай деди: «Абдулла Ниғматович (бош вазир Абдулла Арипов — таҳр.), табриклайман! 5:1. Бунга Александр Григорьевич айбдор! У келиши билан: „Ўзбеклар, агар қозоқларга ютқазсангиз…“ деганди».
Александр Лукашенко қўшимча қилди: «Уларга мухлислар керак эди».
Беларусь президенти ташрифининг асосий тадбирлари 8 февралга белгиланган.
Видео
Фото
