Samarqand shahri jamoat transportining yangi yo‘nalishlar tarmog‘i uchun Xitoy kompaniyasidan 10 ta avtobus olib kelindi. Bu haqda Transport vazirligi axborot xizmati xabar berdi.
“Dilshodtransservis” MCHJ tomonidan Xitoyning CRRC kompaniyasida ishlab chiqarilgan yangi avtobuslar keltirilgan bo‘lib, ular zamonaviy talablar asosida jihozlangan.
Korxona tomonidan yana 20 ta ushbu rusumdagi avtobuslar olib kelinishi rejalashtirilgan, deyiladi vazirlik xabarida.
Shuningdek, shu yilning aprel oyida YeTTB ajratayotgan mablag‘lar hisobiga Samarqand shahri uchun 350 ta elektrobus olib kelinishi reja qilingandi. 95 mln dollarlik loyiha 2 bosqichda amalga oshiriladi.
