31-may kuni soat 21:00 atrofida Toshkent shahrining Uchtepa tumanida 8 ta avtotransport vositasi o‘rtasida YTH sodir bo‘ldi, deya xabar bermoqda Yo‘l harakati xavfsizligi xizmati.

Tumanning Toshkent xalqa avtomobil yo‘li va Zargarlik ko‘chalari kesishgan chorrahasida KAMAZ, 3 ta Lacetti, 2 ta Spark, Nexia-3 va Matiz avtomashinalari to‘qnashgan.

YTH oqibatida Lacetti mashinalaridan birining haydovchisi tan jarohat olib shifoxonaga olib ketilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda, deyiladi xabarda.