Ўзбекистон Марказий банки тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш мақсадида «Ички назорат қоидалари«га ўзгартиришлар киритди.

3 апрелдан кучга кирган ўзгартиришларга кўра, қуйидаги операциялар шубҳали ҳисобланади:

  • мижоз томонидан банк картасидан мобил илова орқали бир (бир) ёки бир нечта банк карталари ёки электрон ҳамёнларга бир вақтнинг ўзида ёки 30 кундан ортиқ бўлмаган муддатда такроран пул ўтказиш. Гап БҲМнинг 500 баравари (1 майдан — 165 млн сўм) ва ундан ортиқ суммадаги битимлар ҳақида бормоқда;
  • мижоз томонидан бир (бир) ёки бир нечта банк карталари ёки электрон ҳамёнлардан БҲМнинг 500 баравари ва ундан ортиқ пул маблағларини бир вақтнинг ўзида ёки 30 кундан ортиқ бўлмаган муддатда такрорий равишда картага қабул қилиб олиш;
  • мобил илова орқали 5 ёки ундан ортиқ банк карталаридан (электрон ҳамён) битта хорижий электрон ҳамёнга бир вақтнинг ўзида ёки 30 кундан ортиқ бўлмаган муддатда бир неча марта пул ўтказиш;
  • битта хорижий электрон ҳамёндан 5 ёки ундан ортиқ банк карталарига (электрон ҳамёнларга) бир вақтнинг ўзида ёки 30 кундан ортиқ бўлмаган муддатда такроран пул олиш;
  • мобил илова орқали бир (битта) банк картасидан (электрон ҳамён) 5 ва ундан ортиқ хорижий банк карталари ёки электрон ҳамёнларга бир марталик ёки 30 кундан ортиқ бўлмаган муддатда бир неча марта пул маблағларини ўтказиш;
  • 5 ёки ундан ортиқ хорижий банк карталаридан ёки электрон ҳамёндан 1 та банк картасига (электрон ҳамёнга) бир вақтнинг ўзида ёки 30 кундан ортиқ бўлмаган муддатда бир неча марта пул маблағларини қабул қилиш.

Шубҳали операция — тайёрланаётган, бажарилаётган ёки аллақачон тугалланган, унга нисбатан банк ички назоратни амалга ошириш жараёнида жиноятдан олинган даромадларни легаллаштириш, терроризмни молиялаштириш ва (ёки) оммавий қирғин қуролларини тарқатишни молиялаштиришга қаратилган деб гумон қилинаётган операция.

"Газета.uz"да реклама

Молиячи Отабек Бакировнинг сўзларига кўра, шу йўл билан тижорат ёки тижорат характерига эга бўлган ўтказмаларга қарши курашишга ҳаракат қилинади, бироқ бу мижозларнинг йўқотилишига олиб келиши мумкин.

Молиячи мижознинг бир банк ва турли банклардаги ўз карталари ва электрон ҳамёнлари ўртасидаги ўтказмаларга тадбиқ этилмаслиги тўғрисидаги қўшимча киритишни таклиф қилди.

«Газета.uz» ушбу масалада Марказий банкка сўров юборди