Qashqadaryo viloyati Ko‘kdala tumani hududidan o‘tuvchi A-378 avtoyo‘lining 85-kilometrida paxta ortilgan yuk avtomobili yonib ketdi, deya xabar bermoqda viloyat Favqulodda vaziyatlar vazirligi matbuot xizmati.
21 fevral kuni 16:48 da ushbu yuk mashinaning haydovchisi salonda yong‘in hidini sezib, mashinaning kuzov qismida yong‘in boshlanganini ko‘rgan. Shundan so‘ng, avtomobilga ortilgan paxta yonib ketgan.
Hodisa joyiga hududiy FVB yong‘in-qutqaruv ekipajlari yetib kelib, soat 17:20 da yong‘in to‘liq o‘chirilgan. Avtomashinadagi yukning bir qismi yong‘indan saqlab qolingan Hodisa oqibatida halok bo‘lgan va jarohat olganlar yo‘q.
