Қашқадарё вилояти Кўкдала тумани ҳудудидан ўтувчи А-378 автойўлининг 85-километрида пахта ортилган юк автомобили ёниб кетди, дея хабар бермоқда вилоят Фавқулодда вазиятлар вазирлиги матбуот хизмати.
21 февраль куни 16:48 да ушбу юк машинанинг ҳайдовчиси салонда ёнғин ҳидини сезиб, машинанинг кузов қисмида ёнғин бошланганини кўрган. Шундан сўнг, автомобилга ортилган пахта ёниб кетган.
Ҳодиса жойига ҳудудий ФВБ ёнғин-қутқарув экипажлари етиб келиб, соат 17:20 да ёнғин тўлиқ ўчирилган. Автомашинадаги юкнинг бир қисми ёнғиндан сақлаб қолинган Ҳодиса оқибатида ҳалок бўлган ва жароҳат олганлар йўқ.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
