16 dekabr kuni O‘zbekistondan Transkaspiy xalqaro transport yo‘lagi bo‘yicha birinchi yuk poyezdi jo‘nab ketdi, deya xabar berdi «O‘ztemiryo‘lkonteyner» kompaniyasi matbuot xizmati. Poyezd Toshkentning Sergeli vokzalidan yo‘lga chiqib, O‘zbekiston-Turkmaniston-Ozarbayjon-Gruziya-Bolgariya yo‘nalishi bo‘yicha harakatlanadi. Marshrutning umumiy uzunligi 4000 km dan ortiq bo‘ladi.
Poyezd Olmaliq kon-metallurgiya kombinatidan mis konsentratidan iborat 46 ta vagon va 91 dona 20 futlik konteyner bilan yo‘lga tushdi. Marshrutning so‘nggi nuqtasi Bolgariyaning Burgas portidir.
Bu Turkmaniston (TLST kompaniyasi), Ozarbayjon (ADY Container) va Gruziya (GR Logistics and Terminals) kabi xorijiy hamkorlar bilan hamkorlikda tashkil etildi.
Transkaspiy xalqaro transport yo‘lagi (TITR), O‘rta yo‘lak deb ham ataladi, u Markaziy Osiyodan Yevropaga yuk olib kirish uchun mo‘ljallangan. Yo‘lak Xitoy-Qozog‘iston chegarasidan Qozog‘iston, Turkmaniston, Ozarbayjon, Gruziya, Turkiya orqali va undan keyin Yevropaga o‘tadi.
U temir yo‘l va dengiz transportini o‘z ichiga oladi. Butun yo‘lning umumiy uzunligi 11 ming km. TITR 2017 yilda ish boshlagan. Ittifoqda 8 ta tashuvchi davlat bor: Xitoy, Qozog‘iston, Ozarbayjon, Gruziya, Xitoy, Polsha, Ruminiya, Ukraina va Turkiya. O‘zbekiston TITRga 2021 yilda assotsiatsiyalangan a’zo sifatida qo‘shilgan.
