Markaziy banki uch oy davomida ijtimoiy tarmoqlarda iste’molchilarning huquq va qonuniy manfaatlari buzilishiga doir murojaatlar yuzasidan 15 ta bankka ko‘rsatma xatlarni yubordi.
Xususan, iyul-sentabr oylarida bank xizmatlariga nisbatan quyidagi shikoyatlar aniqlangan:
- karta hisobvarag‘idan pul mablag‘i yechilgan bo‘lsa-da, bankomat naqd pul bermagani;
- nafaqa pulini bank kartasi orqali olish bo‘yicha muammoga duch kelinayotgani;
- mobil ilova orqali o‘tkazilgan pul mablag‘i oluvchilarning karta hisob raqamiga tushmagani;
- kredit to‘lovlari to‘liq to‘langan bo‘lsa-da, karta hisobvarag‘idan kredit uchun to‘lov yechilgani;
- bank xodimlari tomonidan fuqaro uchun notanish bo‘lgan kredit bo‘yicha kafil ekanligi to‘g‘risida qo‘ng‘iroqlar bo‘layotgani;
- bankning mobil ilovasi orqali konvertatsiya qilingan hamda boshqa kartaga o‘tkazilgan mablag‘ ko‘rinmayotgani;
- kreditni muddatidan oldin so‘ndirgani uchun keshbek taqdim etilmayotgani.
Mazkur holatlardan kelib chiqib, Anorbank, «Davr-bank», Universalbank, Hamkorbank, Tenge Bank, Xalq banki, «Ipak yo‘li» banki, Infinbank, Turonbank, «Qishloq qurilish bank», NBU, «Kapitalbank», «Qishloqqurilishbank», «Aloqabank» i Asia Alliance banklariga faoliyati bilan bog‘liq masalalarni o‘rganib chiqish va zaruriy choralarni ko‘rish yuzasidan 31 ta ko‘rsatma xatlar yuborildi.
Qayd etilishicha, banklar aniqlangan kamchiliklarni bartaraf etib, bu haqda o‘rnatilgan tartibda iste’molchilarga xabar qilgan. Shuningdek, ayrim banklar bu to‘g‘risida ijtimoiy tarmoqlardagi rasmiy sahifalari va saytlari orqali tegishli tushuntirishlar bergan.
Markaziy bank ijtimoiy tarmoqlarda iste’molchilarining huquq va qonuniy manfaatlari buzilishi bilan bog‘liq e’lon qilingan holatlar yuzasidan qonunda belgilangan muddatlarda tegishli choralarni ko‘rish davom ettirilishini eslatib o‘tdi.
