1 iyul holatiga ko‘ra, O‘zbekistonning rasmiy zaxira aktivlari o‘tgan oyga nisbatan 179,8 mln dollarga oshib, 35,58 mlrd dollarni tashkil etdi. Bunga Markaziy bank ma’lumotlari guvohlik bermoqda.
O‘sish, asosan, valyuta zaxiralarining 157,4 mln dollarga ko‘payib, 13,3 mlrd dollarga yetgani hisobiga ta’minlandi.
Oltinning sof hajmi 0,3 mln troy unsiyaga (9,3 tonna) o‘sib, 11,7 mln troya unsiyaga (taxminan 363,9 tonna) o‘sdi va dekabr oyidan buyon maksimal darajaga yetdi. Shu bilan birga, oltin zaxiralariga qiymat jihatdan atigi 39,7 mln dollar qo‘shilib, 21,22 mlrd dollarga yetdi.
Bu iyun oyida oltin narxining 7,8 foizga — 1848 dan 1704 dollargacha arzonlashgani bilan bog‘liq. Qimmatbaho metallar dollar kursining kuchayishi fonida qadrsizlanmoqda va bu markaziy bank vazifasini bajaruvchi AQSh Federal zaxira tizimi tomonidan bazaviy foiz stavkasining oshirilishi bilan qo‘llab-quvvatlanmoqda. 15 iyun kuni stavka 1994 yildan beri birinchi marta 75 bazaviy punktga — 1,5−1,75 foizgacha oshirildi. FZT mamlakatdagi yuqori inflyatsiya o‘tgan oyda 9,1 foizga sakrab, 40 yildan ortiq vaqt ichida yangi yuqori darajani o‘rnatgani tufayli tufayli pul-kredit siyosatini qattiqlashtirmoqda.
2020 yil oktabr oyida O‘zbekiston Markaziy banki rahbari Mamarizo Nurmuratov oltin narxining oshishi ishlab chiqaruvchilar daromadiga va davlat budjeti rentabelligiga bilvosita ijobiy ta’sir ko‘rsatganini ma’lum qilgandi. Kotirovkalar pasayib ketgani sababli O‘zbekiston aprel va may oylarida qimmatbaho metalni eksport qilmadi (katta ehtimol bilan iyun oyida ham sotuv bo‘lmagan).
Mavjud zaxiralar mamlakatning 2021 yilda 25,5 mlrd dollarni tashkil etgan yillik importidan ancha oshadi. Rivojlanayotgan mamlakatlar uchun xalqaro tashkilotlarning tavsiyalariga ko‘ra, zaxiralar kamida uch oylik importni qoplashi kerak.
