2020 йил фуқаро авиацияси соҳасида туб бурилиш йили бўлади, дея умид билдирди Uzbekistan Airways ва Uzbekistan Airports компаниялари. Улар авваллари бу соҳа монополия тамойиллари асосида ривожлангани, тарифлар юқори, хизматлар сифатсиз бўлганини тан олди.
Aкмал Саидов 179 давлатни бирлаштирган жаҳон парламентларининг халқаро органи — Парламентлараро иттифоқ Ижроия қўмитаси раиси ўринбосари этиб тайинланди.
«Ўзкўргазмасавдо» биноси базасида қишки спорт турлари бўйича мусобақалар ўтказишга мўлжалланган муз саройи ташкил этилади. Вилоятларда ҳам енгил конструкцияли ёпиқ муз қопламали майдонлар қуриш режалаштирилмоқда.
Ухандан эвакуация қилинаётган ўзбекистонликлар бўлган самолёт Тошкентга соат 11:45 да етиб келади, унинг бортида 84 нафар йўловчи, тиббиёт ходимлари ва вирусологлар бор.
Капитал бозорини ривожлантириш агентлиги ўзини АҚШ биржаларида фаолият олиб борувчи профессионал трейдерлар жамоаси сифатида тақдим этаётган Topinvest.uz сайти ҳақида изоҳ берди.
ЎзМУ — математика ва биология, ТДТУ — геология, СамДУ — кимё йўналиши бўйича базавий олий таълим муассасаси этиб белгиланди.
Кластер ташкил этилмаган пахта майдонларида фермерлар иштирокида кооперациялар фаолияти йўлга қўйилиши белгиланди. Бунда ўша ҳудудлардаги пахта тозалаш заводлари фермерларга кооперация ташкил этиш учун берилади, қўшилган қийматдан тушган даромад кооперация аъзолари — фермерлар ўртасида тақсимланади.
Тез орада Пискент туманида автомобилларни электромагнит мослашувчанликка баҳолаш лабораторияси қуриб битказилади. Шунингдек, 8та ҳудудий лабораториялар модернизациялаштирилади.
Маданият вазирлиги кассабоп томошалар учун чиптанинг ноқонуний савдосига чек қўймоқчи. Шу мақсадда, бир ойдан сўнг янги тизим ишга тушиши кутилмоқда.
Тошкент марказидаги Романовлар оиласига тегишли бўлган сарой музейга айлантирилмоқда. У айни пайтда Маданият вазирлиги балансига ўтказилиши кутилмоқда.
Мижозлар банк хизматларидан фойдаланиш, хусусан банк ҳисоб варағига эга бўлиш учун шахсан банкка келиши шарт бўлмайди. Марказий банк ана шу янгилик устида иш олиб бормоқда.
Адлия вазирлигида хизмат компьютерлари иш куни якунлангач, автоматик равишда ўчирилмоқда. Раҳбарият ходимларнинг меҳнат соатидан ташқари ишхонада қолиб кетишига қарши курашмоқчи. Вазир шу масала ҳақида гапириб берди.
Азамат Абдураимов Ўзбекистон U-16 ўсмирлар терма жамоаси бош мураббийи лавозимидан истеъфога чиқди.
10 кун давомида (21−31 январь) Ўзбекистонда содир бўлган йўл-транспорт ҳодисаларида 54 киши ҳаётдан кўз юмди. Йилнинг дастлабки 20 кунида эса 60 киши йўлларда қурбон бўлган эди.
Ўзбекистон энг тез ривожланаётган сайёҳлик йўналишлари рўйхатида тўртинчи ўринни эгаллади. ЮНВТО маълумотларига кўра, мамлакатга ташриф буюрган сайёҳлар сони ўтган йили 27,3 фоизга ўсди.
250 йўловчи ва шифокорлар билан Пекиндан учиб келаётган «Ўзбекистон ҳаво йўллари» авиакомпанияси самолёти Тошкент аэропортига 4 февраль куни соат 17:05 да қўнади.
Ўзбекистон мактабларида коронавирус ҳақида диктантлар ёздирилмоқда. Бу болаларнинг касаллик профилактикаси борасидаги хабардорлигини оширишга қаратилган.
Ички ишлар вазири Пўлат Бобожонов ИИВ тизимидаги 11 нафар раҳбарни ишдан бўшатди. Бухоро вилоятидаги йиғилишда у соҳа фаолиятига танқидий баҳо берди.
Хитойнинг Ўзбекистондаги элчихонаси Майкл Помпеонинг Тошкентда айтилган сўзларига эътирозини билдирди. Элчихона фикрича, АҚШ давлат котиби Пекинга туҳмат ва ёлғонларни тарқатмоқда.
AҚШ ҳукумати Ўзбекистонга капитал бозорини ривожлантириш учун ажратишни режалаштираётган 1 млн долларлик техник ёрдам «Капитал бозори тўғрисида», «Капитал бозори регулятори тўғрисида» ва «Компаниялар тўғрисида"ги қонун лойиҳаларини ишлаб чиқишга мутахассислар жалб этишга йўналтирилади.
Қўшимча имкониятларга эга булиш учун сайтда рўйхатдан ўтинг