Москвада хавфсизлик чоралари кучайтирилгани муносабати билан Uzbekistan Airways авиакомпанияси Домодедово ва Внуково халқаро аэропортларидан парвоз қилаётган йўловчилардан аэропортларга белгиланган вақтдан олдиндан етиб келишларини сўради.
Авиакомпания веб сайтидаги онлайн таблога кўра, ҳозирда Москвага ва Москвадан бўлажак парвозлар жадвалида ўзгаришлар йўқ.
22 март куни кечқурун Москвадаги «Крокус сити ҳолл» концерт залида қуролланган шахслар одамларга қарата ўт очди. Камида 40 киши ҳалок бўлгани, 100 дан ортиқ киши жароҳатлангани хабар қилинди.
