15 февраль куни соат 18:00 атрофида Қозоғистоннинг Ақмола вилоятида йўлда қолиб кетган 64 нафар ўзбекистонлик йўловчи эвакуация қилинди, дея хабар бермоқда вилоят Фавқулодда вазиятлар департаментига таяниб, Kazinform агентлиги.
Бироқ Ўзбекистоннинг Қозоғистондаги элчихонасининг маълум қилишича, 64 нафар кишининг 27 нафари ўзбекистонлик (жумладан 12 нафари бола)лар бўлган.
Қайд этилишича, Остана-Челябинск йўналишида ҳаракатланган йўловчи автобуси Жақси-Есил-Бузилиқ йўлидаги Жақси қишлоғи яқинида бузилиб қолган. Жақси тумани қутқарувчилари чақирув жойига етиб борган.
Улар бузилган автобусда бўлган 64 нафар йўловчини (шундан 17 нафари болалар) Жақси қишлоғидаги 1-сонли ўрта мактабда жойлашган исиниш жойига олиб борган. Йўловчилар тиббий ёрдамга муҳтож бўлмаган, дейилади агентлик хабарда.
Элчихона ушбу масала назоратга олинганини билдирди ва Ўзбекистон фуқароларини оғир об-ҳаво шароитида сафарга чиқмаслика чақирди.
