1 октябрь кунидан Тошкент халқаро аэропорти ва Бобур кўчасини боғловчи кўприк йўлини таъмирлаш ишлари доирасида йўл ўтказгич автобуслар ва юк транспорти ҳаракати вақтинчалик чекланади.
Шу муносабат билан 10 та автобус йўналишига ўзгартириш киритилди, деб хабар қилди «Тошшаҳартрансхизмат» компанияси.
7, 76, 94-сонли автобус йўналишларининг ҳаракати Бобур кўчасидаги Яккасой ТИИБ бекатида қисқартирилади.
11, 40, 45-сонли автобус йўналишларининг ҳаракати Бобур кўчасидан Нукус, A.Қаҳҳор, A.Қаҳҳор-7, Кичик Бешёғоч, Кичик ҳалқа йўли, Сарикўл, Темирйўлчилар, Ҳ. Алиев, Локомотив, Қумариқ кўчалари орқали кейинги ҳаракати ўз йўналиши бўйлаб вақтинчалик ўзгартирилади.
61, 106-сонли автобус йўналишлари ҳаракати Аэропорт-2 бекатида қисқартирилади.
47, 77-сонли автобус йўналишларининг ҳаракати Бобур кўчасидан Нукус, A.Қаҳҳор, A.Қаҳҳор-7, Кичик Бешёғоч, Кичик ҳалқа йўли, Сарикўл, С.Банокатий, Локомотив, Қумариқ кўчалари орқали кейинги ҳаракати ўз йўналиши бўйлаб вақтинчалик ўзгартирилади.
Ўзгаришлар қачонгача эканига аниқлик киритилмаган.
Аэропорт йўл ўтказгичини реконструкция қилиш ишлари февраль ойида бошланган ва 2024 йилнинг декабригача давом этиши кутилмоқда. Таъмирдан сўнг йўл ўтказгич кенгроқ ва узунроқ бўлади, унинг Кичик ҳалқа йўлига кириш ва чиқишлари бўлади.
Ҳозирда эски йўл ўтказгичнинг ярми демонтаж қилинди, автомобиллар ҳаракати икки йўналишда (ҳар бир йўналишда биттадан) йўлга қўйилди.
Йўл ўтказгич 1967 йилда қурилган. 2008 йилда бу ерда реконструкция ишлари йўлакларни тўрттадан олтитагача (ҳар бир йўналишда учтадан) кенгайтирилган ҳолда амалга оширилди.
