Uzbekistan Airports бошқарув компанияси E-auksion.uz платформасида «Тошкент» халқаро аэропортида такси операторлари учун жой ижараси учун учта лотни қайта жойлаштирди, дея хабар бермоқда компания матбуот хизмати.
Аэропортининг умумий учиб келиш залида E-auksion.uz майдончасига такси турар жойларини ижарага олиш учун учта лот қўйилганди: халқаро аэропортнинг умумий зали, CIP-зал ҳамда маҳаллий авиақатновлар терминалининг қабул қилиш залида. Бироқ биринчи аукционлар буюртмачи томонидан техник шартларга қўшимчалар ва тушунтиришлар киритилгани сабабли ўтказилмаган.
Ҳар учала лот бўйича савдолар 3 октябрь куни E-auksion.uz сайтида бўлиб ўтади. Ким ошди савдосида техник топшириқда кўрсатилган талабларга жавоб берадиган барча манфаатдор компаниялар иштирок этиши мумкин.
Барча лотларда компаниялар риоя қилишлари керак бўлган батафсил техник топшириқлар мавжуд. Хусусан, ариза берувчи компания ишлаб чиқарилганига уч йилдан ортиқ бўлмаган, бензинда ишлайдиган ёки электромобиллар паркига эга бўлиши керак. Компания ўзбек, рус ва инглиз тилларини бошланғич билимга эга бўлган малакали ҳайдовчиларни расман ишга олиши шарт.
Автомобиллар брендланган бўлиши ва ҳайдовчилар махсус форма кийишлари керак. Компания йўловчилар учун нақд пул, маҳаллий ва хорижий тўлов тизимларининг банк карталарини қабул қилиш имкониятини тақдим этиши керак бўлади.
