Хитойнинг Уси шаҳрида ўтаётган қиличбозлик бўйича Осиё чемпионатида сабля йўналишида Зайнаб Дайибекова олтин медални қўлга киритди. Бу ҳақда Миллий олимпия қўмитаси хабар берди.
У плей-офф босқичида иккинчи сараланган спортчи сифатида ҳаракат қилган. Саралаш босқичида Въетнам, Хитой, Австарилия вакилларини, ярим финалда ҳиндистонлик Бхавани Чадалавадани, финалда эса уч карра жаҳон чемпионати совриндори, Токио-2020 Олимпиадаси бронза медали соҳиби жанубий кореялик Жису Юнни мағлубиятга учратди.
Бу қорақалпоғистонлик спортчининг катталар ўртасидаги Осиё чемпионатларида қўлга киритган биринчи олтин медали бўлди.
