Президентнинг 24 ноябрдаги «Иқтисодиёт тармоқларида биржа механизмларидан фойдаланишни кенгайтириш ҳамда биржа савдоларини тартибга солиш тизимини такомиллаштириш тўғрисида»ги [ПҚ-430-сонли] қабул қилинди. Бу ҳақда Адлия вазирлиги хабар берди.
Қарорга кўра, тадбиркорларни давлат рўйхатидан ўтказиш ва ҳисобга қўйишда уларни бир вақтнинг ўзида биржа тизимида аккредитациядан ўтказиш тартиби жорий этилади.
Шу билан бирга, хорижий етказиб берувчилар томонидан давлат харидлари тизимида иштирок этиш учун мажбурий тартибда электрон рақамли имзо олиш талаби бекор қилинади.
Маълумот учун, 2021 йилнинг декабрида ҳукумат қарори билан тадбиркорлик субъектини рўйхатдан ўтказиш тўлови миқдори БҲМнинг 20 фоизи (54 минг сўм) этиб белгиланганди. Илгари бунинг учун БҲМнинг 1 бараварини (270 минг сўм) тўлаш керак эди.
Шунингдек, тадбиркорларнинг юқори ликвидли ва монопол бўлмаган маҳсулотларини биржа савдолари орқали сотиш учун истиқболли товарлар секцияси ташкил этилади.
Қарор билан тадбиркорларга, ўз хоҳишига кўра, биржадан ташқари тузилган шартномалар бўйича биржанинг ҳисоб-китоб-клиринг тизими орқали кафолатли ҳисоб-китоб хизматидан фойдаланиш имконияти яратилади.
Маҳсулотларни «форвард» битимлари асосида сотиш тартиби биржа савдолари орқали тузиладиган экспорт-импорт шартномаларига нисбатан ҳам қўлланилади.
2022 йил 1 декабрдан 2024 йил 1 январгача монопол ва давлат иштирокидаги ташкилотлар томонидан ишлаб чиқарилган пўлат шар, металл лист прокати, суюқ углерод оксиди, техник кислород, каустик сода, нефть кокси, синтетик нафта, барда — ишлаб чиқариш ҳажмининг 100 фоизи бўлган товарлар ички бозорда фақат биржа савдолари орқали реализация қилинади.
Шунингдек, монопол бўлмаган ва устав фондида давлат улуши 50 фоиздан кам бўлган ёки давлат улуши мавжуд бўлмаган юридик шахслар томонидан ишлаб чиқарилган:
- ️металл лист прокати ва цемент — ишлаб чиқариш ҳажмининг камида 50 фоизи;
- ️пахтадан олинган чигит, пахта мойи (экстракция пахта мойи), қайта ишланган чигит чиқиндилари (шрот, шелуха) ва истеъмол этил спирти — ишлаб чиқариш ҳажмининг 100 фоизи.
