Марказий банк раисининг биринчи ўринбосари этиб Сайдуллаев Нодирбек Нарзуллаевич тайинланди, дея хабар бермоқда ЎзА.
Нодирбек Сайдуллаев 1982 йилда туғилган, 2006 йилда Тошкент молия институтини тамомлаган. Банк соҳасида 2003 йилдан буён ишлаб келмоқда.
Бунга қадар у 2019 йилдан буён Асака банк бошқарув раиси сифатида ишлаб келаётган эди. Шунингдек, Миллий банк бошқарув раисининг биринчи ўринбосари сифатида ҳам фаолият олиб борган.
Марказий банк раисининг биринчи ўринбосари лавозимида у сентябр ойида Тошкент шаҳрининг Шайхонтоҳур тумани ҳокими этиб тайинланган Ботир Зоҳидовнинг ўрнини эгаллади.
