Тошкентда ўтаётган дзюдо бўйича Жаҳон чемпионатиниг 6 кунида эркаклар ўртасида -100 кг вазн тоифасида курашган Музаффарбек Тўрабоев олтин медалга сазовор бўлди. Беллашув Халқаро дзюдо федерациясининг расмий сайтида онлайн бериб борилди.
У Канада терма жамоаси вакили Кайл Реесга қарши курашиб, Golden Score (қўшимча вақт)да уни мағлуб этди.
Шунинг билан, Ўзбекистон дзюдо бўйича 2022 йилги жаҳон чемпионатида 2 та олтин медалга эга чиқди. Аввалроқ, Давлат Бобонов -90 кг вазн тоифасида мутлақ чемпион деб топилганди.
Айни вақтда Шавкат Мирзиёев раислигида бўлиб ўтаётган видеоселекторда президентга бу ҳақида хабар берилди. Давлат раҳбари ушбу янгиликни катта мамнуният билан қарши олиб, спортчи ва бутун ўзбек халқини ғалаба билан табриклади.
