Якшанба куни соат 7:30 атрофида Тошкентнинг Сергели туманида «ВАЗ-2106» русумли автомашина дарахтга бориб урилиши натижасида иккига бўлиниб кетди.
Ўзбекистон ИИВ ЙҲХБнинг хабар беришича, ЙТҲ оқибатида 2002 йилда туғилган ҳайдовчи тан жароҳати олиб, шифохонага ётқизилган.
У Янги Сергели кўчаси бўйлаб автомобиль бозоридан Жанубий вокзал томон ҳаракатланаётганда бошқарувни йўқотган. Эълон қилинган видеода ЙТҲ транспорт оқимлари ажратилган жойда содир бўлганини кўриш мумкин.
Воқеа юзасидан суриштирув ишлари олиб борилмоқда
