Россия Украинага бостириб кириши оқибатида кўплаб глобал компаниялар Россияда ўз фаолиятини тўхтатишини бирин-кетин эълон қилишни бошлашди. Ушбу компаниялар логистика, кино, рақамли технологиялар, кийим-кечак, онлайн-дўконлар ва бошқа йўналишларда фаолият олиб боришади. Ижтимоий тармоқларда юзга яқин компаниялар чеклов ўрнатгани ҳақида хабарлар тарқалди, аммо уларнинг ҳаммаси ҳам ҳозирча тасдиқланмаган.

«Газета.uz» Россия бозорини тарк этган ёки ўз хизматларини маълум кўринишда чеклаган компаниялар рўйхатини тайёрлади.


Рақамли технологиялар

  • Apple компанияси Россияда ўз маҳсулотларини сотишни тўхтатганини хабар қилди. Бундан ташқари, АҚШ компанияси RT ва Sputnik news иловаларини Россия Федерациясидан ташқарида юклашни, шунингдек Apple Pay тўлов тизимидан фойдаланишни чеклади.
  • Финландиянинг Nokia компанияси санкциялар туфайли Россияга ўз маҳсулотларини етказиб бермайди.
  • Dell электроника ишлаб чиқарувчиси Россияда ва Украинада ўз маҳсулотларини сотишни тўхтатди.
  • Телеком ускуналари етказиб берувчиси Ericsson Россия Федерациясида мижозларга етказиб беришни тўхтатди.
  • Intel ва AMD процессорлари ишлаб чиқарувчилари ўз маҳсулотларини Россияга етказиб беришни тўхтатдилар.
  • Тайваннинг TSMC ярим ўтказгич ишлаб чиқарувчиси ўз маҳсулотларини Россияга етказиб бермаслиги маълум бўлди.
  • Canon техникасининг онлайн-дўкони рублнинг кескин ўзгариши сабабли вақтинча ишламаётганлигини маълум қилди.
  • Cisco бизнес операцияларини тўхтатди.
  • Microsoft янги сотувларни тўхтатди.
  • Panasonic савдо операцияларини тўхтатди.
  • SAP ва Oracle Россияда ўз фаолиятини тўхтатди.
  • Siemens ўз маҳсулотларини етказиб беришни тўхтатди
  • Nvidia ўз маҳсулотларини етказиб беришни тўхтатди.
  • HP маҳсулот савдосини тўхтатди.

Нефть-газ компаниялари, энергетика ва саноат

  • BP, Shell, Equinor ўзининг россиялик шериклари билан алоқаларни узди.
  • TotalEnergies Россия лойиҳаларига сармоя киритишни тўхтатди.
  • Exxon Mobil «Сахалин-1» лойиҳасидан чиқиб, барча мутахассисларини олиб кетишини ва Россияга сармоя киритишни тўхтатишини маълум қилди.
  • Fortum энергия компанияси Россияда янги инвестиция лойиҳаларини тўхтатди ва иссиқлик генерациясидаги ўзининг иштирокини камайтиришда давом этади.
  • Канаданинг Kinross Gold олтин қазиб олиш билан шуғулланувчи компанияси ўз фаолиятини тўхтатди.
  • Komatsu ва Hitachi Construction маҳсулот етказиб беришни тўхтатди.

Молиявий компаниялар ва криптобиржалар

  • Visa ва Mastercard Россияда янги карталарни чиқаришни ва ўз фаолиятини тўхтатди.
  • American Express Россия ва Беларусдаги шериклари билан ҳамкорликни тўхтатди.
  • BTC-Alpha криптобиржаси Россия фуқаролари учун хизмат кўрсатишни тўхтатди.
  • QMall россияликларни ҳисоб рақамларини блоклаб қўйди.
  • Kuna рубль билан ишлашни тўхтатди.
  • CEX IO россиялик янги фойдаланувчиларни рўйхатдан ўтказишни тўхтатди.
  • FTX, Kraken, Binance тегишли санкциялар қўлланилмагунча россияликларнинг крипто ҳамёнларини музлатиб қўймайди. Аммо, Россиянинг санкция қўлланган банкларининг карталари орқали тўлаш тақиқланди.
  • Coinbase санкцияга тушган Россия фуқаролари ва компанияларининг ҳисобларини блоклайди, аммо ҳозирча барча россияликларнинг ҳисобларини блокировка қилиш чораларини кўрмайди.
  • Apple Pay ва Google Pay санкция қўлланган банкларнинг карталарини қабул қилишни тўхтатди.
  • SWIFT — 12 мартдан бошлаб санкция қўлланган банклар билан ишлашни тўхтатди.
  • PayPal Россияда ўз фаолиятини тугатиб, «маълум вақт давомида» пул ечиб олишга имкон беради.
  • Samsung Pay — санкция қўлланган банкларда блок қилинди.
  • Western Union — санкция қўлланган банклар билан ишлашни тўхтатди.
  • Япониянинг JCB тўлов тизими Россия ҳудудида ўз операцияларини вақтинча тўхтатди.

ТВ ва кино.

  • The Walt Disney Company Россияда бадиий фильмларни намойиш этишни тўхтатиши ҳақида хабар берди. Медиа конгломератининг таркибига Lucasfilm, Marvel, Pixar, Maker Studios, TouchStone ва бошқалар киради.
  • Warner Bros фильм намойишларини тўхтатди — «Бэтмен»нинг янги қисми намойиши Россиядаги премьерадан бир кун олдин бекор қилинди.
  • Sony ҳам Россия ҳудудида ўз фильмларини намойиш қилишни тўхтатди.
  • Netflix рус кинокомпаниялари билан ҳамкорликда фильмлар ва сериаллар устида ишлашни тўхтатди. Бундан ташқари, компания Россия федерал каналларини эфирга беришдан бош тортди.
  • Paramount рус кинотеатрларида «Йўқолган шаҳар» ва «Sonic 2» намойишини тақиқлади.
  • Universal ўзининг «Белфаст», «Ёмон йигитлар» ва «Тез ёрдам» фильмларини Россиядаги намойишини тўхтатди.
  • BBC Studios Россия ҳамкорлари учун контентни лицензиялашни тўхтатади. Британия телеканали «Doctor Whо» ва «Лютер"каби теледастурларни тарқатиш билан шуғулланар эди.
  • ТВ, кино- ва рақамли компания Аll3Media Россияда ТВ соҳасидаги мижозлари билан музокараларни тўхтатди.
  • ITV Studios телеканали ўзининг Россиядаги мижозларига янги лицензияларни сотишни тўхтатганини хабар қилди.
  • Megogo видео сервиси ҳам Россияда ўз фаолиятини тўхтатади.

Кийим-кечак ва бошқа маҳсулотлар

  • Nike ҳозирда Россиядаги мижозларига маҳсулотларини етказиб беришни кафолатлай олмаслигини маълум қилди.
  • Швециянинг H&M (Hennes & Mauritz) компанияси Россияда сотувларни тўхтатди.
  • Буюк Британиянинг ASOS онлайн дўкони Россияга етказиб беришни тўхтатди.
  • Mr Porter, Yoox va Net-A-Porter онлайн-дўконларини бирлаштирувчи Yoox va Net-A-Porter гуруҳи ҳам мамлакатга етказиб беришни тўхтатди.
  • FarFetch Limited компанияси Россияда сотувларни тўхтатди.
  • Adidas Россия футбол иттифоқи билан шартномани тўхтатди.
  • Burberry онлайн магазини етказиб беришни тўхтатди.
  • Carlsberg Россияга экспорт ва инвестиция киритишни тўхтатди.
  • Diageo етказиб беришни тўхтатди.
  • Farfetch етказиб беришни тўхтатди.
  • IKEA Россиядаги дўконларини ёпиб, мамлакатдаги ўз фаолиятини тўхтатди.
  • Jysk Россия ҳудудида ўз фаолиятини тўхтатди.
  • Lego компанияси ўзининг Россиядаги 81 та дўконига маҳсулот етказиб беришни тўхтатди.
  • Mango сотувни тўхтатди.
  • Marks & Spencer маҳсулот етказиб беришни тўхтатди.
  • Mytheresa маҳсулот етказиб беришни тўхтатди.
  • Pernod Ricard маҳсулот етказиб беришни тўхтатди.
  • Plzensky Prazdroj, Staropramen, Budejovicky Budvar маҳсулот етказиб беришни тўхтатди.
  • Swarovski онлайн магазини ёпилди.
  • Yoox мижозлар буюртмаларини қабул қилмаяпти.
  • Puma сотувни вақтинча тўхтатди.
  • Inditex (Bershka, Zara, Pull and Bear, Stradivarius, Oysho) ўз фаолиятини тўхтатди.
  • Fazer ўз фаолиятини тўхтатди.
  • LVMH (Moët & Chandon, Dior, Louis Vuitton) Россиядаги ўх бизнесини тўхтатди.
  • Kering (Gucci, Saint Laurent, Balenciaga, Alexander McQueen) ўз дўконларини ёпди.
  • Hermès, Cartier, Chanel ўз дўконлари фаолиятини тўхтатди.
  • Valio ва Paulig Россия бозорини тарк этишмоқда.
  • Danone инвестиция лойиҳаларини тўхтатди.
  • Levi Strauss&Co фаолиятини тўхтатди.
  • Procter & Gamble (Pampers, Always, Tampax, Braun, Gillette, Pantene, Head & Shoulders, Old Spice, Tide, Ariel, Fairy ва бошқалар) Россия бозоридаги ўз иштирокини камайтиради.
  • Starbucks РФ ҳудудига маҳсулот етказиб беришни ва ўз кафеларининг фаолиятини тўхтатади.
  • The Coca-Cola Company (Coca-Cola, Fanta, Sprite, «Добрый», «Моя семья», Bonaqua) вақтинча маҳсулот етказиб беришни тўхтатади.
  • PepsiCo (Pepsi, 7Up, Mirinda ва б.) ўзининг барча маҳсулотлари савдосини вақтинча тўхтатади.
  • McDonald’s Россиядаги барча ресторанларини вақтинча ёпади.
  • Yum! Brands (KFC ва Pizza Hut) Россияга инвестиция қилишни тўхтатади.
  • L’Oreal Groupe (Garnier, Maybelline New York, Lancome, Vichy) косметика ишлаб чиқарувчиси ўз дўконларининг фаолиятини вақтинча тўхтатади.
  • iHerb витаминлар онлайн-дўкони россиялик мижозлар учун харидларни чеклади.

Автомобилсозлик ва мотоцикллар

  • Ford Россиядаги фаолиятини тўхтатди.
  • Мотоцикл ишлаб чиқарувчи Harley-Davidson Россияга маҳсулот етказиб беришни тўхтатди.
  • General Motors Россияга экспортни тўхтатди.
  • BMW Россияга ўз маҳсулотларини юборишни ва Калининград шаҳридаги маҳаллий ишлаб чиқаришни тўхтатди.
  • Volkswagen автоконцерни русларнинг дилерлик марказларига автомобилларни (Volkswagen, Skoda, Audi, Lamborghini, Bentley вa Ducati) етказиб беришни тўхтатди.
  • Mercedes-Benz Россияга экспортни тўхтатди.
  • Daimler Truck концерни Россия «КАМАЗ"и билан ҳамкорликни музлатиб қўйди.
  • Jaguar Land Rover янги автомобилларни олиб киришни тўхтатди.
  • Volvo рус бозорига ўз маҳсулотини олиб киришни вақтинча тўхтатди.
  • Чехиянинг Skoda автокомпанияси Украинадаги вазият туфайли ишлаб чиқариш ҳажмини камайтиришга тўғри келишини билдирди.
  • Honda рус автобозорига экспортни тўхтатди.
  • Mazda рус автобозорига экспортни тўхтатди.
  • Toyota вa Lexus ҳам Россияга экспортни чеклади. Toyota`нинг Санкт-Питербургдаги заводининг фаолияти тўхтатилди.
  • Hyundai Россиядаги автозаводида ишлаб чиқаришни бир ҳафтага тўхтатди.
  • Chery вa Exeed автомобилларининг сотуви тўхтатилди.
  • Rolls-Royce етказиб беришни тўхтатди.
  • Porsche етказиб беришни тўхтатди.

Авиация соҳаси

  • Boeing рус авиакомпанияларига эҳтиёт қисмлар етказиб бериш ва техник хизмат кўрсатишни тўхтатди.
  • Airbus Россияда муҳандислик майдончаси ва эҳтиёт қисмларни етказиб беришни тўхтатади.
  • Ирландиянинг AerCap лизинг компанияси санкциялар сабаб Россия авиакомпаниялари билан ҳамкорликни тўхтатишни эълон қилди.

Юк ва жўнатмаларни етказиб бериш соҳаси

  • Денгизда юк ташишга ихтисослашган Даниянинг Maersk компанияси Россияга юк ташишни тўхтатди.
  • Асосан денгиз транспорти билан шуғулланувчи француз CMA CGM транспорт компанияси бошланган ҳарбий ҳаракат сабаб Одесса ва Новороссийск томон харакатланувчи кемаларини тўхтатди.
  • Ocean Network Express Россияга контейнер букинги хизматини тақдим қилишни тўхтатди.
  • DHL юк ва ҳужжатларни тезкор етказиб бериш компанияси Россияга юк ташишни тўхтатди.
  • АҚШнинг FedEx вa UPS логистика компаниялари Россияга юк ташишни тўхтатишди.
  • Mediterranean Shipping Company жўнатмаларниташиш бўйича аризаларни бекор қилмоқда.

Бошқалар

  • Rockstar Games (GTA, RDR) ўйинлар савдосини тўхтатди.
  • Spotify ўзининг Россиядаги офисини номаълум муддатга ёпди.
  • Epic Games (Fortnite, Unreal ва Battle Breakers) тижорий муносабатларни бекор қилди, аммо ўйинларнинг савдосини тўхтатмайди.
  • Россиялик фойдаланувчилар учун Playstation ва Steam платформаларининг маҳсулотларини сотиб олиш имконияти чекланди.
  • CD Projekt RED (Cyberpunk 2077 ва «Ведьмак») ўйинлар савдосини тўхтатди.
  • Activision Blizzard (World of Warcraft, Call of Duty, Diablo) ўйинлар савдосини тўхтатди
  • Tik-Tok стрим ўтказиш ва янги видеолар юклашни тақиқлади.
  • Snapchat Россия ва Беларусь компаниялари учун реклама сотишни тўхтатди.
  • Twitch россиялик стримерларга пул тўлашни тўхтатди.
  • Coursera Россиялик фойдаланувчилар учун чекловлар ўрнатди.
  • Ubisoft (Assassin's Creed ва Far Cry) маҳсулотларини сотувларини тўхтатди.
  • Adobe (Photoshop, Premiere, Illustrator ва Lightroom) янги маҳсулот ва хизматларни сотишни тўхтатди.
  • Grammarly Россияда фаолиятини тўхтатди.