Украина Қуролли кучлари (УҚК) еттинчи рус ҳарбий самолёти уриб туширилганини маълум қилди. Ушбу хабарни Украина бирлашган ҳарбий кучлари ҳам тасдиқлади, дея хабар қилди УНИАН ахборот агентлиги.
Шу билан биргаликда, Украина Қуролли кучлари Бош штаби Мариупол ва Счастье устидан назорат қайтариб олинганини эълон қилди. Херсон йўналишида ҳам қизғин жанглар кетаётгани айтилди.
Бундан ташқари, Киевнинг турли қисмлари портлаш овозлари эшитилган. Хусусан, Reuters пойтахтда кучли портлаш эшитилганини хабар қилди. Қайд этилишича, Киев яқинидаги Бровари шаҳарчасидаги ҳарбий объектга Россия томонидан иккита қанотли ракета учирилган. Ижтимоий тармоқларда тарқалган мазкур объект акс этгани айтилган видеода тарқалди. Унда бомбардимон қилинган бино вайроналарини кўриш мумкин.
Харьков вилоятининг Чугуев шаҳрида эса турар жой биноси ўққа тутилиши натижасида ёш бола ҳалок бўлди, дея хабар берди украин ФВВ.
Мамлакат президенти Владимир Зеленский Олий Радага умуммиллий ҳарбий сафарбарлик эълон қилиш тўғрисидаги қонун лойиҳасини киритди.
Чехия президенти Милош Земан Россияни SWIFT халқаро тўловлар тизимидан чиқариб юборишга чақирди.
Аввалроқ Украина президенти идораси раҳбари маслаҳатчиси Алексей Арестович ҳужумлар натижасида 40 дан ортиқ украиналик аскарлар ҳалок бўлгани, ўнлаб кишилар яраланганини маълум қилган эди.
Эслатиб ўтамиз, Россия Мудофаа вазирлиги Украина ҳаводан ҳужумга қарши мудофаа объектлари тўлиқ бостирилганини эълон қилган эди. Бир вақтнинг ўзида УНИАН ахборот агентлиги Украина бош штаби Донбассдаги ҳарбий ҳаракатлар зонасида тажовузкор томоннинг бешта самолёти ва вертолёти уриб туширилгани ҳақида хабар берди.
