Республика махсус комиссияси COVID-19 аниқланган беморлар билан яқин алоқада бўлган шахсларнинг карантин муддатини икки бараваргача қисқартирди. Бу ҳақда ССВ матбуот хизмати маълум қилди.
«Халқаро тажрибадан келиб чиқиб, коронавирус инфекциясининг omicron штаммининг яширин даври қисқалигини инобатга олиб, коронавирус инфекцияси тасдиқланган бемор билан мулоқотда бўлган шахсларнинг карантин муддати 14 кундан 7 кунгача қисқартирилади», — дейилади хабарда.
Эслатиб ўтамиз, 2020 йилнинг мартидан бошланган коронавирус пандемияси даврида вирусни юқтириб олганлар билан мулоқот қилган шахсларни 14 кун мобайнида карантинда ушлаб туриш тартиби жорий қилинганди.
Аввалроқ, махсус комиссия қарори билан 7 февралдан ОТМ, коллеж, лицей ва мактабларда таълим анъанавий шаклга ўтказилгани ҳақида ёзгандик. Қолаверса, авиа ва темир йўл чипталари учун 50 фоизлик чегирма сақланиб қолиниши ҳақида маълум қилинди.
